Page 11 - MIN ECEM

Minister Mike de Meza orguyoso di graduadonan cu a sigui
curso di Observador di Tempo

Tuesday, 04 July 2017 07:03
1

Comparti

Minister Mike de Meza tabata di bishita na Servicio Meteorológico. El a splica cu awe diploma a wordo
otorga na empleadonan cu a sigui un curso di observador di tempo (Weather Observer). Meteo ta un
departamento cu hopi biaha cu ta keto, pero un departamento sumamente importante pa siguridad
nacional.

Ora cu ta papia di clima di aire, pero tambe di lama y tambe riba tera. Por imagina ora tin teremoto,
Meteo ta esun cu hopi biaha ta duna e respons, informacion kico ta tuma luga y kico por haci. Pero tin pa
riba lama tambe y semper ta mas miho, ora cu Meteo por reacciona y alerta situacionnan riba lama na
tempo, cu e no ta gara ningun hende inespera. Mescos ta conta pa nos clima di aire. Cu Meteo ta mira di
biaha ora tin informacion, tur hende ta scucha, tur hende ta mira pasobra e ta di siguridad nacional. Ta
importante pa un departamento asina mas frecuente cu ta posibel, keda duna e tipo di cursonan aki, laga
trahadonan bay pasobra mester semper upgrade trahadonan y sigur pa e departamento di meteo, esey ta
necesario. Pesey awe, e cinco personanan cu a gradua como Observador di Tempo ta algo importante. Ta
felicita nan tambe pa e opleiding cu nan a haci y gradici nan pa nan trabao cu nan a haci tambe. E
minister ta contento di mira cu awor aki tin dos persona hende muhe, den e grupo aki di cinco y tambe
cu e miho graduado, kende ta un dama. E ta mustra cu e trabaonan cu hende muhe ta haci en general, ta
keda haya su reconocimento pa e talento, inteligencia y dedicacion cu semper nan a sa di duna. E ta haci
e ambiente di trabao hopi mas miho tambe cu ora cu ta mira un mescla di hende homber cu hende muhe
ta traha hunto riba nivelnan halto, profesional, tecnico.

Por ta orguyoso di esey y sigur sigur mester ta habri pa mas tipo di mescla asina aki tuma luga, caminda
cu ta haya e ser femenino, hunto cu hende homber ta traha riba nivelnan igual y tambe ta haya pago igual
y wordo respeta igualmente. Ta algo sumamente positivo. Awe cu orguyo minister de Meza por a duna
man na e dos personanan aki cu ta den e grupo di cinco. Un biaha mas felicitaicon pa meteo, e director
Marck Oduber pa e trabao cu el a bin ta haci den e ultimo añanan aki, cu ta uno necesario, pero ta di
aprecia tambe cu tin nos propio hendenan Arubiano, cu ta haci e trabao aki riba e nivelnan di mas halto.
No mester lubida cu Meteo tabata un departamento cu antes tabata bao di Antias y awor ta para riba su
mes y tin relacion cu Corsou, tin relacion cu Hulanda y tur e diferente institucionnan mundial pa loke ta
clima. E netwerk eynan ta bon y porcierto ta haciendo un bon trabao, ta invirtiendo mas placa den
Meteo. Ta bay bin diferente hardware cu ya caba a cumpra fin di aña, pero ta cumprando mas software
cu ta bay haci e trabao di Meteo mucho mas sofistica y tambe cu na tempo por duna mas informacion
corecto y mas detaya. E garantia eynan mester tey. Los di cu locual nan a bin ta haci pa hopi aña caba ta
di calidad, pero cada biaha cu tecnologia, bo por reacciona mucho mas tempran cu na fin di dia ta pa e
mesun siguridad nacional, segun Minister de Meza.
Aunke cu falta personal: Meteo ta conta cu empleadonan

capacita pa brinda servicio na un comunidad moderno