Page 12 - MIN ECEM

manera Aruba

Tuesday, 04 July 2017 07:07
1

Comparti

Director di Meteo, Marck Oduber, a conta di un ocasion importante cu a tuma luga. Awe tabata tin
entrega di e certificado di e alumnonan cu a start basta tempo pasa na Meteo pa nan por caba pa e
funcion di Observador di Tempo.

E curso ta di suma importancia pasobra servicio meteorologico su productonan tambe ta di suma
importancia pa desaroyo sostenibel y e ora mester tin un bon desaroyo di capacidad di bo empleadonan
pa por brinda e servicio di un comunidad moderno manera Aruba. Antes e pregunta pa tempo of si tin un
temblor of lama bruto, hopi hende no tabata worry. Awendia nan ta haci uzo asina hopi di cosnan di
clima, cu tempo, cu lama, cu tur e servicionan aki mester wordo duna pa Servicio Meteorologico riba un
nivel halto tambe na loke e comunidad di Aruba kier. Personal prepara E personal mester wordo prepara
pa brinda e servicio, fuera di e servicio na publico, ta brinda e servicio na aviacion. Aviacion mester di
cierto nivel di educacion pa por keda brinda e servicio. E curso aki tabata pa upgrade y tur e nobonan cu
a bin a volg tur e cursonan pa nan por keda na e rekisitonan internacional di Aviacion Civil.

Meteo ta desaroyando y ta brinda hopi mas servicio na publico en general di Aruba cu ta rekeri hopi mas,
compara cu antes. Necesidad Mester mas personal riba nivelnan academico tambe y tambe nivel pa
tecnico mes, pa drecha aparato. Tambe mester obviamente mas aparato. Pero tur ta di e parti di
proyeccion di Meteo a termino medio. Entrada Meteo ta genera entrada. Hopi biaha ta traha rapportnan
por nada. Rapportnan cu ta tuma e empleadonan casi un luna pa traha y no ta cobra nunca pe.