Page 37 - MIN ECEM

ORANJESTAD (AAN): Despues di a bishita hopi cas den San Nicolas, Tanki Leendert y
Noord e critica cu mas Joselin a haya di e famianan cu el a bishita ta, cu e gobierno
actual a malgasta e placa di pueblo riba asfalt y klinkers, pero cu e hende mes no a
conoce un progreso den nan bida diario. Nan ta sinti cu nan ta biba di salario pa salario.

Con nan ta defini progreso y bienestar?

Prome cu tur cos nan ta bisa cu e costo di bida na Aruba a bira hopi caro y cu nan
salario no ta yega pa por cumpli cu nan debenan. Di dos nan no ta sinti nan mes sigur
mas riba caya of den cas. Nan ta bisa no tin control ni riba caminda ni den barionan.

Di tres nan ta bisa cu cuminda, awa, coriente cu ta e cosnan basico cu bo mester pa
biba ta hopi caro. Di cuater nan ta bisa cu e gastonan di bida y gastonan escolar di na
yiunan a bira hopi caro y pa esnan cu tin yiu cu a caba di gradua nan critica ta cu nan
no por haya trabao paso economia ta stagna.

Pa esnan cu ta huur cas nan ta bisa cu nan ta frustra cu tur luna mester paga huurnan
carisimo paso no tin tereno pa nan y no tin casnan social.

Manera boso por ripara nan no ta midi nan progreso y bienestar na cosnan di luho,
edificionan bunita, klinkers, asfalt, smart communities etc. Nan ta midi nan bienestar y
progreso na por biba trankil, preferible den un cas propio, un empleo cu un salario cu ta
cubri e bestaansminimum, un bon estudio y trabao pa nan yiunan, siguridad riba caya y
den nan cas y cumindanan na prijsnan controla.Proximo gobernashon POR su prioridad
ta e hende. Cada famia mester por yega na nan propio cas, nan salario mester por
cover nan gastonan basico, educashon mester ta accecibel na tur hende, mester bin cu
un economia nobo pa crea cupo di trabaonan nobo, mester bin cu reforma fiscal pa laga
e hende cu mas placa den su saco pa e por paga su gastonan, mester bin un mihor
transporte publico y por ultimo mester brinda nos hobennan e oportunidad pa ta
creativo y activo despues di orario di school cu arte, deporte, musica y tecnologia y
asina yuda e mayornan cu ta traha te cu 5 or di atardi.Unavez bo logra yuda e hende
prospera bo ta yuda bo comunidad prospera, una ves bo comunidad prospera bo pais
completo ta prospera y nos ta “one happy island” di berdad y no riba sticker so. Joselin
ta convenci cu Aruba masalmente ta bay vota pa e cambio cu Aruba tanto ta anhela dia
22 di September.