Page 56 - MIN ECEM
P. 56
Fuels Marketing & Supply Aruba N.V a
firma CAO nobo
Posted on 07/3/2017 7:51 pm AST | Updated on 07/3/2017 10:39 pm AST
ORANJESTAD - Siman pasa a tuma lugar negociacion pa un CAO nobo pa e
compania estatal Fuels Marketing & Supply Aruba N.V. Durante 5 dia a tuma lugar e
negociacion intensivo pa un CAO nobo mirando cu esun anterior a yega su final na
mei di e aña aki. “E negociacion a bay den un ambiente hopi ameno. Nos tabata hopi
transparente cu otro caminda nos a brinda e sindicato informacion nan specifico
referente nos compania”, Gina Maduro HR, Training & Development Manager di
Refineria di Aruba N.V. ta splica.
Desde 1 di october 2016, e departmento cu antes tabata resorta bou di Refineria yama
Valero Marketing & Supply Aruba a converti den un compania estatal cu e nomber
Fuels Marketing & Supply Aruba N.V. Na aña 2014, IOWUA a cera e ultimo CAO cu
Valero Refinery pa e trahadornan cu tabata resorta bou di Refineria. E cambio di mas
grandi awor ta cu a enfoca riba e compania estatal embes di e Refineria. E CAO a
conoce cambionan structural y den formato. Adicional a percura pa simplifica e
lenguahe di e CAO pa asina un y tur por compronde e contenido un poco mihor.
