Page 29 - AWEMAINTA

Diahuebs, 7 Juni 2018 AWEMainta 29

Internacional

Den intento pa horta un casino na St. Maarten

Un Polis na civil den e casino a tira mata un di e asaltantenan

PHILIPSBURG, Sint Maarten — Tabata ayera
rond di 12.15 di madruga cu a manda diferente

unidad policial, team di Recherche y paramedi-

conan, ya cu nan a haya informacion cu na Jump-
Up Casino, cu ta keda na Emmaplein intento a ser

haci pa comete un robo arma.

Tiro a cay tambe, cu ta motibo cu un of mas per-
sona a keda herida.

N’e sitio Polis a haya informacion cu 4 homber
bon arma, bisti na preto a drenta den e casino sor-

presivamente y a cuminsa na menasa tur hende,
incluso e empleadonan, demandando pa tur placa

cu por tin den e casino e momento ey.

Un Polis na civil, cu n’e momento ey tabata den e

casino a contesta e tironan dirigi y asina a herida
un di asaltantenan. E otro asaltantenan tuma nota

di loke tabata pasando a dicidi di baha na awa

inmediatamente lagando nan compañero herida
atras.

Tambe den e intercambio di tiro, dos empleado di
e casino tambe a keda herida. Ambos empleado

a keda trata n’e sitio mes, p’e paramediconan pa

despues hiba nan pa Sint Maarten Medical Cen-
ter pa tratamento mas avanza.

E asaltante di e robo aki, kende a keda herida,
tambe a haya tratamento n’e sitio mes, pero a re-

sulta cu e no a sobrebibi, a fayece a consecuencia

di tiro(nan) recibi.
No a identifica e victima ainda.

E area inmediatamente a ser sera pa Polis, mientras

cu Recherchenan a cuminsa nan haci na trabao pa

sa kico a sosode exactamente. Nan a entrevista
varios testigo, mientras cu e investigadornan Fo-

rensico tabata recolecta tur evidencia cu ta posi-

ble. Mucho mas informacion nos no a haya ainda.