Page 19 - MIN VOS Jan 26

Personal di gabinete di minister
plenipotenciario a celebra dia di Betico

Po sted on 01/24/2015 4:14 pm AST | Updated on
01/24/2015 4:19 pm AST

DEN HAAG – Personal di Gabinete di Minister Plenipotenciario y di ATA Europa a tene
un ceremonia pa recorda e fecha di nacemento di Sr. Gilberto Françoise “Betico” Croes,
politico y estadista Arubiano. A haci esaki diabierna 23 di Januari 2015, na vispera di Dia
di Betico. Directora interino di Gabinete di Aruba Shandra John a tene un discurso,
reemplazando Minister Plenipotenciario Alfonso Boekhoudt cu ta na Aruba pa
reunionnan.

‘Nos ta para awe na vispera di celebracion di e fecha natalicio di Betico Croes 25 di
januari pa rindi honor na e gran estadista Arubiano aki, cu pa medio di su perseverancia y
determinacion a logra nos Status Aparte. Un Arubiano cu amor pa su pais – mescos cu e
otro lidernan prome cu-ne, manera Henny Eman, Shon A Eman y Juancho Yrausquin – a
bringa pa realisa e soño di e pueblo Arubiano: pa ta doño den su mesun cas.’

Despues di esaki directora interino di Gabinete di Aruba Shandra John y minister di
Salubridad Publico Alex Schwengle – cu ta actualmente na Hulanda pa un bishita di
trabao - a pone un flor na e busto di Betico Croes. E ceremonia a termina cu cantamento
di nos himno nacional ‘Aruba Dushi Tera’

http://noticiacla.com/news/2147

Seleccion nacional di futbol lo hunga e Copa ABCS na
Surnam

Sunday, 25 January 2015 14:30
Comparti