Page 20 - MIN VOS Jan 26

Diaranson awor lo Sali pa e pais di Surnam, e seleccion nacional di futbol kendenan tin nan prome
compromiso di aña 2015 cu ta e Copa ABCS, entre Aruba, Corsow, Boneiro y Surnam.
Anteriormente e Copa ABCS mester a tuma luga den luna di november 2014, pero esaki a keda cancela y
ta te cu dos siman pasa AVB a wordo informa cu e torneo lo tuma luga fin di januari. Mesora a tuma e
precuacion pa forma un seleccion cual no a bay facil mirando e notificacion lat y e compromiso di Aruba
su hungadonan local y esnan di Hulanda. Ningun pais cu ta den un desaroyo positivo lo bay un torneo cu
apenas 2 siman di notificacion pa forma un seleccion. Pa cu esaki AVB a forma un seleccion cu lo consisti
di mayoria hungadonan di e futbol cu ta milita den e campeonato local. Hopi di hungadonan milita na
Hulanda a wordo nenga door di nan club pa bin representa Aruba. Esaki ta conta tambe pa entrenador
principal, Giovanni Franken kende ta den pleno playoff cu su club RVVH. For di bon fuente a bin
compronde cu pais Corsow tambe a haye den problema pa forma su seleccion nacional y awor lo wordo
representa pa e ekipo campeon Barber mas algun refuerso. Seleccion di Aruba tabata tin un record
positivo na 2014 cu tres wega gana, 1 empata y 1 perdi. Aruba den e ranking di FIFA ta na di 129 luga
mientras cu Corsow ta na di 158 y Surnam na di 163 luga. Pa loke ta e formacion di e seleccion nacional
cu lo biaha pa Surnam a opta pa bini cu 5 hungado di Hulanda, 4 di nan den pasado ya caba tin varios
partido hunga pa Aruba. Esnan cu lo join e seleccion ta Raymond Baten, Leroy Oehlers, Matthew Lentink
y Steve Escalona. Un hungador cu lo haci su debut pa Aruba ta Dirk van Leenen, un hoben defensa
central cu a hungapa Feyenoord. Aña pasa e hoben van Leenen a wordo eligi como rookie of the year
di Hoofdklasse Amateur na Hulanda.

E hungadonan yama pa forma parti di e seleccion ta:
Porteronan: Kendrick Dania y Matthew Lentink

Defensanan: Steve Escalona, Rodymar Peasch, Theric Ruiz, Dirk van Leenen, Derwin Donato y
Roman Aparicio

Bolantenan: Jean Luc Bergen, Raymond Baten, Erik Santos, Alex Hassel, Ezra Bosnie, Steven Rua

Delanteronan: Maurice Escalona, Marlon Andrea, John Lugay, Annuar Kock, Jean Pierre Fingal

Herbert Beelsnijder lo ta e coach pa e team aki asisti pa Reinhard Breinburg. Un invitacion ta bay na e