Page 2 - AM210603a

2 AWEMainta
Dos dia despues di a kibra paradanan di AVP
Mando Policial ta duna MEP permiso
pa parada grandi prome cu eleccion
AWOR no ta Ministerio Publico solamente, pero ta mus-
trra cu Cuerpo Policial tambe ta insisti pa mete su mes
den asuntonan di campaña político y kier hunga un rol den
henter e proceso aki.
Ayera mainta a sali na cla cu partido MEP lo a haya per-
miso pa tene un parada grandi prome cu eleccion di dia 25
di juni y cu otro partidonan ya no por bin na remarca pa
un parada grandi.
Loke ta interesante di henter e asunto aki, t’e rol cu Mando
Policial lo ta hungando of mihor bisa Hefe di Polis Vanessa
Kock, kende ta esposa di Parlamentario Rocco Tjon, candi-
dato riba lista di partido MEP y cu ta lanta hopi duda den
henter e proceso político aki.
Ta bin acerca cu e permiso aki duna na partido MEP pa
tene su parada dia 20 di juni, ta otro acto político caminda
e sistema hudicial ta wordo mira como un instrumento cu
por wordo usa politcamente y aki e rol di Hefe di Polis sin
duda ta wordo cuestiona.
Den eleccionnan cu a pasa semper e partido mas grandi ta
haya permiso pa tene un parada prome cu eleccion y ora cu
resultado di eleccion bira conocí e partido cu a sca mas voto
ta wordo permiti pa tene su parada di victoria.
Den e reglanan stipula pa DVG aglomeración di hende
riba tereno y caminda publico ta prohibi caminda den fin
di siman cu a pasa y otro dianan den siman, Polisnan con-
stantemente tabata interveni den actividadnan político di
partido AVP, kibrando esakinan pa motivo di medidanan
instala pa Gobierno y DVG.
Awor sin anuncia cu medidanan a cambia, e mesun instan-
cianan cu ta meti den stipulacion di e reglanan di com-
portacion, tambe awor ta bira duna permiso p’e parada di
partido MEP, sin duna un hustificacion pa cu esaki.
Por a scucha hopi reacción contra di Hefe di Polis Van-
essa Kock, kisas hustifica of no hustifica pero ta un hecho
cu Gobierno di MEP na momento di a nombra su persona
como Hefe di Polis, tabata bon na altura di su envolvim-
ento político cu e líder di fracción di MEP den Parlamento
Rocco Tjon.
Rocco Tjon ta meti den keho formula contra di candidato di
partido AVP y miembro di Parlamento Benny Sevinger y
na mes momento ta esposo di e Hefe di Polis, pues aki por
Diahuebs, 3 Juni 2021
papia di un conflicto di interés di marca mayor y ta algo
cu for di momento cu a nombra su persona, e asunto aki a
wordo cuestiona.
Ta hunga un rol e hecho cu Gobierno di MEP aki, a dicidi
di nombra un Hefe di Polis nobo na inicio di su periodo
di gobernacion den persona di Andrew Hoo, kende tabata
traha den sector priva, pero cu Minister Andin Bikker a
haya di t’e persona ideal pa fungi como Hefe di Polis.
Sinembargo for di momento cu Hoo a tuma banda di miem-
bronan di prensa den un disputa na inicio di e pandemia,
el a wordo poni un banda pa mesun Minister cu a pidi’e
pa bin traha como Hefe di Polis, pero pa un incidente cu
por wordo considera como político tambe, el a wordo hala
un banda, caminda Gobierno no por a kite for di trabou y
despues e pone na diferente departamento.
A nombra Vanessa Kock como Hefe di Polis interino y al-
gún luna atrás el a wordo nombra definitivamente como
Hefe di Polis, mientras cu Gobierno ta bon na altura cu e
ta esposa di e líder di fracción di MEP den Parlamento, e
mesun Parlamentario cu a exigi di Hulanda pa inicia in-
vestigacion político contra di ex Minister Sevinger.
Ta bin acerca cu e esposo di Hefe di Polis, Rocco Tjon, t’e
mastermind tras di retiro di ex Minister Marisol Lopez
Tromp, caminda el a prepara un reunión pa presenta un
moción di desconfiasa contra Marisol, cu a faya ora cu a
bin dilanti cu tin mas Minister cu Tjon ta sostene den Go-
bierno, cu tambe lo a haci actonan incorecto.
Despues e mesun Tjon aki den un wega di locura a dicidi
di aproba un moción di desconfianza histórico ora cu nuebe
miembro di parlamento, a aproba e moción di desconfianza
cu den un lapso di 24 ora a wordo anula pa Presidente di
Parlamento Ady Thijsen.
Ta mas cu claro cu e asunto di parada aki tin cu wordo
mira den e relación di Hefe di Polis y e líder di fracción di
MEP, Rocco Tjon.
Por ultimo ta bon pa splica ki criterio a usa pa duna MEP
dicho permiso. MEP no t’e partido mas grandi actual-
mente. Di mes a perde un asiento, cu Daphne Lejuez y si
kier papia di mayoría, anto ta RED, POR y MEP lo mester
organisa e parada. Dios spaar e pueblo aki. T’asina morto
ta cay y kende lo pone como responsable p’esaki.