Page 19 - Minister Arthur Dowers

Djabièrnè 12 Febrüari 2016 11

...Abogado Eustatius eksigiendo trato igual...

NO A PERSIGUI SUIDADANO
ULANDES KU A MALVERSA,
MIENTRAS E KURASOLEÑO SI

WILLEMSTAD. - Awe Abogado mr. Anthony Eustatius
den Korte Penal di Promé
Instansha abogado mr.
Anthony Eustatius lo
trese un opheshon fuerte
dilanti promé ku kuminsá
trata e kaso penal kontra
di e akusado R.C. ku
tabata traha na un radio
emisora i ku a malversá
550 mil florin. Abogado
Eustatius lo bai pidi hues
pa deklará Ministerio
Públiko no atmisibel basá
riba e prinsipio di trato
igual. Esaki basá riba e
echo ku Ministerio Públiko
a skohe pa pèrsiguí e
akusado kurasoleño R.C.
pa malversashon di 550 mil
florin, kaminda ku R.C. a
drenta un areglo di pago ku
su eks doño di trabou i ta
pagando kaba, miéntras tin
un kaso similar, kaminda ku
un señora ulandes A. v.d. B.
ku a malversá 899 mil florin
i akinan tabatin mester di un
veredikto den korte sivil pa
obligá e señora aki paga, no
ta keda persiguí. E pregunta
ta, unda e prinsipio di trato
igual ta.

Intentonan pa logra
para e kaso aki no a logra,
pa motibu ku fiskal ta di
opinion ku ta trata di un
kaso muchu serio, miéntras
e otro kaso no a saka un
dagvaarding, kaminda ku
e veredikto sivil kontra
di e señora ta fechá 23 di
novèmber 2015, kaminda ku
korte ta ordená pago di 899
mil florin i gastunan huntu
a yega na 40.598 florin.

Kon por haña e kaso di
R.C. serio i e kaso di A. v.d.
B., no ta serio.

Meta ta e opheshon ku
lo keda presentá awe ta pa
logra ku no ta kontinuá ku
persiguishon di e akusado.

Por tuma nota ku den
último tempunan ku
abogado mr. Anthony
Eustatius ta bèk den
kasonan penal i ta un
abogado ku ta para duru
riba aspektonan di prinsipio.

Den e kaso aki prinsipio
di trato igual ta punto di
lansa.