Page 15 - AM211113

Diasabra, 13 November 2021 AWEMainta.com 15
Santa Rosa dunando presentacion

enconeccion cu Festival di Buki

Manera semper nos Departamento di Agricultura, Cria y
Pesca Santa Rosa ta aportando tur caminda na un mihor
conocimento di loke ta nos tarea principal di educa y
concientisa riba agricultura engeneral.E siman di buki
no tabata diferente. Santa Rosa un biaha mas dunando
presentacion hunto cu coleganan sr. Ludwig Rasmijn y
tambe sr. Randy Maduro di bishita na St. Paulus School
na San Nicolas.

Den e siman di Festival di Buki Santa Rosa mester a duna
un presentacion di e tema “Loke bo kier ta”. E docente ta
scohe un alumno di klas y na su turno e alumno ta invita
un di su mayornan. E mayor di e alumno mester haci un
presentacion di unda e mayor ta labora tur dia.
Di e manera aki Departamento di Agricultura, cria y
Pesca Santa Rosa a hasi un presentacion di Plantamento
Basico na St. Paulus School. Hunto cu e presentacion aki
di Santa Rosa a hiba un “Lamchi Cabrito”p’e muchanan
por a mira. Nan a encanta esaki masha hopi mes y tur a
haya un chens pa wak e “Lamchi” di serca.

Despues di haya tur informacion con ta planta un simiya,
tur alumno a wordo invita pa pasa pafo y hasi e practica
di planta un simiya di “Boonchi di Cunuco” manera cu
nan a siña den e presentacion.
E alumnonan di 1ste klas y docentenan a keda masha
contento cu nan pochi chikito cu nan simiya planta. Awor
mester percura p’e simiyanan aki wordo muha tur dia pa
e mata por crese y pa e muchanan por cosecha Boonchi.
Un gradicimento ta bai na e docentenan di St. Paulus
School cu a permiti Santa Rosa pasa un rato ameno cu e
muchanan y laganan conoce y siña un tiki di nos Sector
Primario.