Page 4 - AM211113

4 AWEMainta .com Diasabra, 13 November 2021
Conocido Freddy Alex Croes (60) ta fayece

den accidente di trafico na West Punt

Diabierna mainta den careda di 8’or, 911 a
wordo informa di un accidente frontal na altura
di West Punt 4. Na yegada di Polis mesora a pidi
pa ambulance. Tabata trata di un Kia Rio blanco
y un Kia Sportage preto. Polis n’e sitio mesora a
constata cu chauffeur di e Kia Rio ya no tabata
duna señal di bida mas.

Den careda di 8:15 dokter Kanhai pasando riba e
caminda a baha pa duna asistencia y a constata cu
chauffeur di e Kia Rio, ya no tabata duna señal di
bida y ta constata morto di e chauffeur di V-5039,
Frederick (Freddy) Alex Croes naci na Aruba di 60
aña. Esaki ta di 6 morto den trafico.

N’e sitio nos a compronde cu e chauffeur di e
Kia Sportage mucho no por a haci pa evita e
impacto, mientras e Kia Rio ta dal frontal contra
dje.

Pues e Kia Sportage segun informacion a para y
wanta e impacto. Pues e Kia Rio tabata biniendo
riba su banda robes strit riba e Kia Sportage. Tur
cos ta indica, cu Freddy Croes lo a sufri un atake di

curazon, Su intencion tabata pa bolbe Bonaire pa
biba, pero awor no ta logra su deseo.
Specialista di Trafico, Polis Tecnico y
Slachtofferhulp a presenta n’e sitio di e sucedido.
Palabra di condolencia ta bay na famia di e
fayecido.