Page 26 - flip

AWEMainta Diahuebs, 11 Februari 2016 27

Resultado di rond 4, torneo di ajedrez

“Arubabank Chess Tournament”

DIAHUEBS ultimo a tuma lugar e di 4 rond den e torneo “Arubabank Chess Tournament”.

Resultadonan di rond 4, tabata como lo siguiente:
Na borchi 1, Mark Bueno a gana di Jos Pesqueira; Borchi 2, Octavio Croes a gana di Angelo Franken;
Borchi 3, Enrique Jacopucci a gana di Randy Tromp; Borchi 4, Maria Diaz a gana di Daniel Diaz; Borchi
5, Monica Bremo a perde di Sebastian Torres y na borchi 6, Alvin Howell a gana di Ramon Mas.

Despues di 4 rond, e hoben Mark Bueno a mantene su prome lugar cu 4 punto for di 4 partido. Na di dos

lugar nos ta haya Octavio Croes cu 3 punto. Despues ta sigui cu 2½ punto, Jose Pesqueira y

Enrique Jacopucci.

Awe diahuebs 11 di februari, Lo enfrenta otro: Mark Bueno contra Enrique Jacopucci,
Octavio Croes contra Jose Pesqueira, Randy Tromp contra Maria Diaz, Angelo
Franken contra Alvin Howell, Sebastian Torres contra Ramon Mas y Daniel Diaz
Junior contra Monica Bremo.
E weganan ta cuminsa pa 08:00 pm den nan club na Nieuwstraat 11, Oranjestad.

Ganado di Mini Mega y Mega plus ta
sinti cu esaki ta su luna di suerte

E hungado Leopoldo D. tabata un di dos persona cu a

gana Mini Mega y cu Mega Plus, pa sorteo di diamars 2
di februari ultimo. El a cumpra su ticket na Amigoes Bar
Restaurant, unda el a hunga su numbernan vast 06-08-
29-30 y cu Mega Ball 03.

E jackpot tabatin un suma total
di 380 mil florin pa Mini Mega
y 120 mil florin pa Mega Plus.
Tabatin dos persona cu a bira
feliz ganadonan cu e sorteo y
cada uno a bay cu 190 mil florin
di Mini Mega combina 60 mil di
Mega Plus.

“Mi a sinti cu e luna aki suerte
a toca na mi porta”, asina
Leopoldo a bisa. Y el a bira e
di dos ganado di Mini Mega cu
Mega Plus. E ta masha contento
cu su premio y lo sin duda haci
bon uzo di dje. Leopoldo tabata
hopi contento cu el a hunga Mini
Mega y a opta pa hunga e plus
tambe y a logra gana e suma
completo. Lotto ta fe-
licita Leopoldo.