Page 7 - UTILITIES
P. 7
PA JUNI/JULI LO HAYA SA
CUANTO GAS OF PETROLEO
TIN
26 March, 2018, 12:18 pm
Repsol ta haciendo drilling di gas. Nan tin un contract cu Gobierno pa haci esaki. Na
medio di e aña aki, Juni of Juli, ta spera di por duna e prome resultadonan. E ora lo haya
sa si tin gas of no. Esey nan a constata caba. Pero cu tin suficiente y tin un manera pa
sak’e facilmente, e ta econicamente haalbar pa sak’e y cu e lo trece un ganashi, ta un
informacion cu lo bay haya na Juni/Juli di e Aña aki.
Prome minister Evelyn Wever-Croes, una bes cu haya esey, lo comunica esaki na
comunidad y e ora lo bin un discusion cu si berdad Aruba ta bay haya entradanan
substancial di e actividad aki, tin cu bay riba un discusion tambe riba kico ta bay haci cu
e fondonan ey.
Varios pais cu a haya nan den un situacion asina, a scoge pa e fondonan wordo destina pa
cierto inversionnan specifico. Entre otro enseñansa. Inversionnan pa baha gastonan di
coriente cu awa completamente. E tipo di discusionnan ey lo bay hiba.
E mandatario a agrega cu si e gas y petroleo wordo haya mes, nos tin cu bay pensa hopi
bon kico nos kier pa nos dushi Aruba.
