Page 39 - MIN VOS

Jacky Van Putten (POR): Maneho Di Deporte Tabata

AO

 Local
- 15/08/2017

E problema cardinal di maneho di deporte ta cu simplemente no tabatin maneho di
deporte e ultimo 8 añanan. Por tuma nota cu Gobierno ultimamente kier trek esaki stret
dor di regala facilidadnan deportivo na FCCA y diferente club deportivo, segun Jacky
van Putten.

Minister Presidente cu su team di coordinadornan kier net prome cu eleccion percura cu
barionan tin facilidad pa muchanan hunga den un ambiente sigur, MP ta reconoce e
importancia di esaki awo. Pero p’e ultimo 8 añanan practicamente ignora tur e
facilidadnan deportivo cu pueblo pa medio di Lotto a inverti miyonnan den nan. Anto mi
ta puntra unda e maneho di deporte a keda, pakico a elimina esaki for di barionan???

Van Putten ta splica cu e cambio di funcion di IDEFRE a incorpora salud pa medio di bus
di salud y programanan di scol di salud, etc. A haci estudionan riba e bus pa determina cu
nos poblacion ta obeso, diabetico y cu problema di curason y respiration. Un estudio cu
ya tabata conoci pasobra e ex-Minister di deporte a haci su tesis doctoral cu esaki.

A bin cu un “Vision Inotaivo” y a elimina deporte den bario, algun programa escolar,
preparacion profesional y material pa instancianan. E problema di obesidad ta cuminsa
net den e hobennan aki, net den scolnan y barionan.

Ta importante pa educanan y conscientisa nan di nan alimentacion y habito pero no por
lubida cu nan mester di deporte y movecion. Ta di lamenta cu e “Vision Inovativo” no a
desaroya den e barionan, van Putten ta comenta.