Page 14 - AM200909

14 AWEMainta Diaranson, 9 September 2020

Architecto Jani Croes ta splica su obra Speransa

ARCHITECTO Jani Croes a splica cu no tabatin ningun otro
obra pa pone riba e rotonde banda di Guardian. E no tin nada di

haci cu politica. El a splica contenido di e obra.

E obra ta consisti di 4 elemento, dus 4 piesa. Cada piesa ta rep-
resenta un ser humano. Cada ser humano tin un curpa plus

dos brasa y un cabes. E 4 curpanan tin tamaño di chikito bay
grandi. Solamente un di e curpanan (esun di mas grandi), ade-

mas di tin un cabes y dos brasa tambe esun di mas grandi tin un

pia cu ta Sali (cla pa jump over the ocean, cla pa crusa frontera).

SIGNIFICACION:

PROGRESO: Di curpa chikito pa curpa grandi ta nifica crece-

mento. E speransa cu Aruba lo crece economicamente, intelec-

tualmente y moralmente.
BAILE-CARNAVAL: Baile y musica di soca, folklore, salsa y tur

otro clase di musica. Tin speransa cu esaki lo no muri a pesar di

tempo dificil.
AMOR: For di diferente angulo por reconoce e forma di curason

den e sculptura. E curason di nos hendenan bibando na Aruba.

Nos curason ta distingui nos di nos competidornan den turismo.
Nos bondad ta duna speransa pa sobrevivencia.

MOVICION HUMANO: Na Aruba tin hopi movicion di ser nan
humano. Constantemente tin crusamento di frontera (legal of

ilegal). Bishitantenan, tambe hende cu compromiso di trabao

na Aruba of den exterior, imigracion y emigracion.
Crusamento di frontera di nos hendenan pa causa exito mun-

dial: Den sport (windsurfing, baseball, zwemmen y mas), den
musica tin varios yiu di tera ta lombra internacionalmente y

tambe nos cientifico na NASA.

Segun Jani Croes tin speransa cu esaki lo sigi. E piesa mas

grandi den e 4 nan ta representa esaki. e t’e unico piesa cu ta

manera saca un pia pa crusa oceano. Sali di Aruba pa causa
exito mundial.

E obra aki no a competi cu niun otro obra y no ta existi NIUN

obra cu e mester a inspira riba dje.
E obra Speransa ta dedica na cada persona cu ta biba riba e

pida baranca ki, cu ta traha pa hiba Aruba dilanti, pasobra e
STIMA e pueblo di Aruba SIN excepcion alguno, Jani Croes a

splica AWEMainta.
Por fabor tuma nota cu e liñanan di escultura no ta perfecto

pasobra mi a disiñe na man y e la wordo corta asina ey a
proposito.