Page 34 - ARUBA BANK
P. 34
Diaranson, 6 Juni 2018 AWEMainta 11
Parlamentario Alan Howell lo keda Si Minister Dangui Oduber no sa
tras di e proyecto pa sigura cu Stadion Guillermo Prospero
Biblioteca San Nicolas lo habri
su portanan bek cuminsamento Trinidad ta di Gobierno
di aña escolar nobo POR ta sin lesa e carta di Concacaf
bon, pero den su cayente pa critica
dirigencia di Fundacion Lotto pa
Deporte, Minister Dangui Oduber
a duna di conoce cu Concacaf lo a
prohibi dos stadion, esta Stadion
Frans Figaroa y Stadion Guillermo
Prospero Trinidad di no por usa
dicho facilidadnan pa weganan
bao di auspicio di Concacaf.
Pero buscando informacion,
AWEMainta a haya informacion
cu Stadion Guillermo Prospero
Trinidad no ta di Fundacion
Facilidad Deportivo (FFD),
pero su doño ta Gobierno. P’e
mandatario den su ansha pa
critica Fundacion Lotto pa
Deporte, e mandatario no sa mes
cu e Stadion Guillermo P. Trinidad
ta un propiedad di Gobierno y
como tal si ta berdad cu e stadion
aki falta di mantencion y e turf
mester wordo drecha, kier men ta
Gobierno su responsabilidad pa
drecha esaki y no FFD.
PAPIANDO riba e situacion di Biblioteca San
Nicolas, Parlamentario di fraccion di POR, Alan
Howell a expresa cu tin preocupacion pa cu e
forma con esaki ta moviendo mirando cu e ta
tardando hopi.
Intencion tabata p’e biblioteca haya un
renobacion y lague practicamente nobo, pero
cierto aspecto a strobe e proyecto di cana manera
debe ser.
Mencionando algun di e aspectonan aki, Howell
a menciona e lift y otro cosnan chikito.
Teniendo na cuenta e importancia di e biblioteca
aki pa Pariba di Brug, Alan Howell a haci su
investigacion y por a compronde di e directora di
biblioteca cu si tur cos bay bon pa cuminsamento
di e aña escolar nobo, e biblioteca na San Nicolas
lo ta cla pa uzo di tur hende.
Pesey mes, Alan Howell a haci un un yamada n’e
habitantenan di Pariba di Brug, pa carga un tiki
mas di pasenshi. E mes lo ta tras di e proyecto
aki, p’e keda cla mas pronto cu ta posibel y asina
scol habri por tin e biblioteca bek manera debe
ser.
