Page 18 - KPA DEC 21,2015
P. 18
Haitiano bao di su awa a keda deteni y pasa anochi na
warda
Publication: Monday, 21 December 2015. Categoria: Policial
ORANJESTAD.(AAN) Polis na yegada a scucha hende ta pusta boca cu otro. Tabata diasabra
marduga pa alrededor di cuat’ or y pico patruya encarga distrito San Nicolas a wordo instrui pa
nan bay mesora den Wever straat na unda un homber tabata maltrata un muher tras di
apartamento.
Un rato despues patruya a presenta y polis a scucha pleitamento entre dos persona den e
apartamento den Apache straat . Ora cu polis a habri porta un muher a core sali y despues a
resulta cu tabata trata di e muher inicial D.
El a expresa: “Danki Dios cu boso a yega”!
E homber di inicialnan E.D. cu tabata den e apartamento a wordo avisa pa sali y e la mustra
comprension y a sali para pafor.
E muher D. a declara na polis di a caba di wordo maltrata pa e homber E.D. , pero e no ta desea
di entrega keho y solamente e kier pa E.D. bay djey.
Polis a notifica E.D. pa bandona e sitio pa evita mas problema.
E.D. a mustra comprension y a cuminsa grita e patruya y a declara cu e “No ta Move!” di e sitio.
Patruya a dicidi pa ordena E.D. e ora ey pa bandona e sitio y pa bay para pafor di e cura.
E.D. no a duna oido na e ordo di polis y a keda grita: “Mi no ta bay ningun caminda tanten
prensa no yega akinan ”.
E.D. tabata altera y fuera di control, e tabata papia cu lenga pisa ademas tabata hole fuerte na
bebida alcoholico.
Cu forza patruya a logra pone pafor di cura pero el a resisti yegando na porta di garashi y pa cual
polis a dicidi pa detene .
Durante su detencion, E.D. tabata ranca den otro direccion y dado momento el a tene e postbus
cu consecuencia cu esaki a wordo destrui.
Despues cu polis a pone den boei nan a transport’e pa warda San Nicolas y presenta dilanti fiscal
auxiliar y E.D. naci na Haiti di 32 aña a keda pa mas investigacion.
http://www.diario.aw/2015/12/haitiano-bao-di-su-awa-a-keda-deteni-y-pasa-anochi-na-warda/
