Page 19 - KPA DEC 21,2015

Hoben no tabata tin nada di haci cu desgracia

Publication: Monday, 21 December 2015. Categoria: Policial
e mester a wanta abuso verbal si di polis

ORANJESTAD(AAN)– Masha hopi sa tende cu no por gana polis of cu “cacho no ta come
cacho”, referiendo asina na casonan caminda ningun polis lo bay contra un colega, sabiendo cu e
colega a haci algo cu no ta bon. Den e caso aki tin un investigacion sigur cu mester tuma lugar
tocante “abuso verbal” combina cu uso di “poder policial”.
Diasabra a publica riba portada dilanti, e potret aki di un hoben deteni na lugar di desgracia unda
un auto a ranca un trankera. A bin resulta cu e hoben aki no tabata tin nada di haci cu e
desgracia.
El a caba di wordo baha na cas den vecindario ora e su amigo a sali bay y den cercania a haya
desgracia.
Ora el a yega el a haya polis ta grita u zundra su amigo, locual el a haya cu no ta husto, y a
puntra e polis pakico e ta haci esaki, segun informacion cu DIARIO a bin haya di su mayornan
ayera.
E hoben a keda masha disgusta cu e manera cu e polis tabata trata su amigo.
El a puntra e polis atrobe pakico ta trat’e asina y a haya contesta pa “hala un banda, y e polis a
push’e un banda”.
E polis a flip na e momento ey, y a detene e hoben, boei su mannan y bay warda cune, segun e
version ricibi na redaccion. No tabata tin nada eynan e momento ey cu sikiera por bisa cu e
hoben tabata stroba polis di haci su trabao, manera sa wordo treci dilanti na hopi ocasion.
Pero e muestra di poder no a termina eynan presumiblemente pasobra na warda e polis a menaza
e hoben atrobe cu e lo “wordo bati y cu e lo kibra su con….. pe”. Esaki a wordo haci dilanti tur e