Page 10 - bon-dia-aruba-20210602

A10 hende
Diaranson 2 Juni 2021

Filomena College MAVO,

orguyoso di nan condecorado

meneer Addonsito Croes

Directorado di Filomena College MAVO na San Nicolas, no
a laga e oportunidadunico aki pasa sin duna atencion na dje.
Esaki ta como cu luna pasa, meneer Addonsito J. Croes, mae-
stro di Geschiedenis y Aardrijkskunde pa 10 aña na e scol, a
ricibi e Condecoracion Real como Lid in de Ordevan Oranje
Nassau 2021. Tabata durante di e Algemene Leraren Verga-
deringcu director Raquel Lampe, director adhunto Joraine
Duzong-Oduber hunto cu coleganan, a felicita y haci entrega
di un bolo decora den estilo Hulandes den e colornan oranje
cora blauw y blanco. E mensahe tabata cu scol ta orguyoso di
tin un maestro cu ta un bon ehempel pa hoben y adulto riba
Aruba.

Fundacion Contra Violencia Relacional ta gradici tur boluntario cu a

participa den nan proyecto cu Aruba Doet

Fundacion Contra Violencia Relacional kier a gradici
un y tur cu a contribui cu e proyecto di nan di Aruba
Doet. Un ekipo di boluntarionan cu a consisti di un
iglesia, famia di e empleadonan y cu un sosten di co-
merciantenan a pone man hunto pa yuda nos funda-
cion, cu ta yuda victima y sobreviviente di violencia
relacional.

Sra. Magaly Maduro, coordinador di FCVR ta sumamente
satisfecho cu e bunita gesto aki pa cu nan fundacion. “E ta
increibel con nan a bin traha cu cuerpo y alma pa duna nos
edificio un look nobo. No unicamente a verf paden di e edi-
ficio, e oficinanan sino tambe a haci trabounan den e hardin
y a duna nos un aliento nobo pa e bunitesa di e matanan cu
nos tin.”

Un danki special ta bai pa:
Picobello Icecream cu a pasa duna e boluntarionan ijscream
pa alivia poco calor y duna nan energía, Aruba Wine & Dine
(Que Pasa Restaurant) cu a percura pa algo di come pa e vo
luntarionan,TropicalBottlingCompany cu a sponsor Malta
pa duna e boluntarionan mas energia, CaribbeanDripIrriga-
tion (CDI) cu a regala nos matanan pa nos oficinanan, An-
dina Ice cu a sponsor ijs, y colaboradornan anónimo cu a
percura pa nos tabatin jugs pa pone e ijsnan, trece trapi,cu a
bin snoei e matanan,saca potret y duna nan apoyo.

Manera ta conoci dianan 28 y 29 di mei 2021, Cede Aruba
den cooperación cu OranjeFonds a organisa e di 8 edicion
di Aruba DOET, e evento mas grandi di voluntarismo riba
nos isla.
Hulanda hunto cu e 5 islanan den Caribe Hulandes ta en-
foca riba e iniciativa di voluntarionan y ta stimula tur hende
cu por pa duna nan tempo pa yuda esnan cu mester.

Fundacion Contra Violencia Relacional ta un fundacion cu
ta existipa mas cu 25 aña caba y a sa di asisti e victima y
sobreviviente di violencia relacional, yuda nan pa nan por
haya nan mes bek y guianan pa biba un bida miho cu amor
propio y cu respet y dignidad.