Page 4 - AM221024

Editorial - Maritza Maduro AWEMainta
Caft ta coregi su mes den asunto
di otorgamento di “aanwijzing”
n comunicado emiti
U pa Caft diabierna ul-
timo, ta confirma ponen-
cia y analisis di AWE-
Mainta, relaciona cu e
asunto di dunamen-
to di “aanwijzing” na
gabinete Wever Croes
II diabierna ultimo dia
21 di October 2022.
E tan anticipa reunion di RMR
mester a duna gobierno di Aruba e medida disciplinario aki
pa motibo cu gabinete Wever Croes no ta cumpliendo cu
palabracionnan haci y acorda, guiando e pais den un situa-
cion financiero hopi delicado.
E hecho cu RMR a dicidi di no sigui e conseho di Caft pa
impone un “aanwijzing” contra di henter e gabinete Wever
Croes II, segun e carta di CAft, ta entre otro pa e siguiente:
“Conseho di Ministro di Reino a dicidi di NO duna gobierno
di Aruba un instruccion pa 2022, pero si a duna claramente
di compronde cu Aruba MESTER REALISA un surplus di 1
porciento di e PIB na 2023.
E proyecto di ley di presupuesto di 2023 NO ta cumpli
cu e rekisito ey. Aruba ainda lo mester haci ESFUERSO
CONSIDERABEL pa realisa e surplus presupuestario ey
structuralmente den e proximo añanan. CAft a duna varios
recomendacion al respecto durante e aña cu a pasa y ta
constata cu NO a sigui nan suficientemente.”
E comunicado ta mustra cu CAft tambe mester a adapta su
rol den henter e proceso aki, ya cu realmente ta con bo ta
bay castiga un gobierno, pa cosnan cu lo bay haci malo den
futuro y cu ainda no a sosode.
Ta di compronde en berdad cu si no adapta y atende cierto
asuntonan aworaki, e situacion lo empeora y e lo trece prob-
lema ainda mas grandi pa henter e pais pero impone un “
aanwijzing” pa algun cu ainda no a sosode, ta sumamente
dificil pa sostene.
Mientras cu Prome Minister ta sumamente contento cu su
gobierno no a haya un aanwijzing, si mester ta sincero riba
henter e desaroyonan aki, anto tin cu bisa cu e motibo di con
gobierno a yega na e punto aki, caminda diabierna henter
su gabinete por a haya straf, e ta motibo pa sin duda saca
conclusion di e desaroyo aki of trata di cambia e forma con
ta gobernando e pais pa e ultimo cinco aña.
For di 2018 Hulanda ta luchando cu dos gobierno dirigi pa e
4
Dialuna, 24 October 2022
lider di MEP como Prome Minister pero na luga cu ta atende
cu e asuntonan aki den e forma adecuado y serio, tin desa-
royonan tumando luga cu simplemente ta condenabel pero
si gobierno no realisa cu e situacion ta serio, loke ta mustra
di e ta caso, anto henter e pais ta den problema serio.
Un di e puntonan serio cu CAft a mustra den su comuni-
cado, ta confirma e falta di respet aki y e falta di seriedad di
gabinete Wever Croes ta e aumento di gasto di maneho di
gobierno of miho bisa gasto di personal cu ta sigui aumenta:
“CAft a duna varios recomendacion al respecto durante e
aña cu a pasa y ta constata cu no a sigui nan suficiente-
mente.
Asina, por ehempel, a pesar di un reduccion incidental na
2022, e gastonan pa bien y servicio (red: goederen en dien-
sten) structuralmente ta sigui ta halto compara cu reali-
sacion den e añanan PROME cu pandemia. Te ainda NO
a splica suficientemente e NECESIDAD di aumento di e
gastonan.”
E hecho nan aki cu CAft ta menciona, no ta algo nobo pero
ta un critica cu e comision di supervision financiero ta seña-
lando masha tempo caba pero cu gabinete Wever Croes no
kier respeta y atende cu esaki.
Loke ainda ta haci e situacion mas bergonsoso ta e hecho cu
e di dos gabinete di Prome Minister Wever Croes, tin como
un di e puntonan den e acuerdo di gobernacion cu partido
RAIZ ta cu “tur acuerdo y palabracion cu Hulanda, tin cu
awor respeta y ehecuta,” algo cu partido RAIZ tambe sa
cu esaki for di 2018 no a bin ta tumando luga pero ta bira
viola su propio acuerdo cu el a firma pa forma e gobierno do
coalicion actual.
Tin un mensahe cla pa gobierno pero tambe pa henter pueblo
di Aruba den e comunicado di CAft caminda e comision ta
adelanta riba algo cu lo bira un batata cayente ora cu e bin
dilanti:
“Sin embargo, a pospone introduccion di IBA-BTW. Na luga
di esey ta aumenta e tarifa di Impuesto riba Volumen di
Benta (BBO) cu 1 porciento, locual lo intensifica e efectonan
di evasion y e riesgo di incumplimento di e impuesto aki mas
ainda.
Ta di suma importancia pa Aruba introduci un sistema di
impuesto indirecto solido y husto prome cu dia 1e. di januari
2024.”
Cu otro palabra, no tin awa pa laba, BTW lo bira un realidad
prome cu Januari 2024 y tin cu mira kico lo pasa cu 7% di
BBO, pues pueblo hala faha mara!!