Page 34 - MIN VOS
P. 34
AWEMainta Diahuebs, 26 October 2017 13
Centro di Bario Brazil cu mas
actividad prome cu fin di aña
Entre otro, un “Soca Fitness Freestyle” pa tene e curpa den condición.
TA hopi actividad ta bay tin den Centro di Bario Brazil promer
cu fin di aña.
Dia 3 di november ta cuminsa cu su warm-up Karaoke pa 9’or
anochi, den sala di CBB.
Bin test bo stem pasobra esaki ta un cumienso.
Tambe Centro di Bario Brazil su CBB Fitness Center ta habri
oficialmente dia 3 di november pa 7’or di anochi.
Aunke desde awe bo por pasa haci bo test-training den e gym
y bira miembro pa solamente 15 florin.
Bo a tende caba?
Centro di Bario Brazil ta bay cuminsa otro siman cu “ Soca
Fitness Freestyle”, anto gratis! Keda pendiente p’e sorpresa di
ta kende lo ta e instructornan.
Dia 10 di december ta cuminsa, di 10’or di mainta te cu 7’or
pm, e grandioso Bazaar di pasco unda cu ta bay tin hopi tent
cu tur sorto di cuminda y cos dushi cu nos ta custumbra di
saboria fin di aña.
Y pa entretene tambe tin musica henter dia manera tipico,
banda, gaita, caha di orgel y tambu. Asina ta, prepara p’e fecha
aki cu ta bira un dia cu ambiente formal.
Dia 16 di december Centro di Bario Brazil ta habri su “Hadrey
di Fama”, na unda cu 6 persona conoci di e bario ta bay haya
un espacio pa nan potret keda permanente den e sala di C.B.B.
Esaki ta un reconocemento anual den bario di Brazil. Un ano-
chi protocolario p’e desvelo y despues lo bay tin varios show
pa entretene e publico.
Actividad ta cuminsa 8 or anochi.
Pa sera aña 2017, Centro di Bario Brazil tin e show di dande
na unda cu 12 grupo lo participa cu mas of menos 25 Dande.
Orario ta di 8’or pa 12’or, bin hunto e anochi aki pa desea bo
amistades un bon pasco y un felis aña nobo 2018.
Cuminsa prepara bo grupo pa aña 2018 pasobra Centro di
Bario Brazil ta bin bek cu e famoso spel zonder grenzen.
