Page 71 - IN TTC - MY 25 , 2015

PAGINA 46 DIARIO DIASABRA 23 MEI 2015

Celebracion Dia Internacional di Museo

Expedicion Arqueologico cu school Kudawecha

ORANJESTAD (AAN): En
conexion cu e celebracion
di Dia Internacional di Mu-
seo, a haci un expedicion
Arqueologico cu derde klas
di school Kudawecha. Esaki
tabata parti di e premio cu
e alumno Isabela Quilotte
a gana cu e competencia di
Museo Arqueologico riba
Dia di Himno y Bandera. E
muchanan a goza di e trip
dushi cu a inclui doslugar
arqueologico y a clausura cu
un bishita na Museo mes.
Asistentenan di Arqueologo
Hiram Angela y Fransisco
Coes a splica e muchanan cu
ta importante pa no haci daño
na elugar arqueologico di e
Shell Midden na Arashi cu ta
contene informacion valioso
di nos antepasadonan. E tour
a continua pa elugar arqueo-
logico na Ayo unda e much-
anan a admira e pinturanan
riba baranca. Akinan nan a
haya un splicacion di e im-
portancia di elugar spiritual
pa Indian aki.
A clausura e expedicion cu
un dushi wega educativo
den salanan di exposicion di
Museo Arqueologico mes y a
bay back school cu un bunita
‘cadena di Indian’ cu nan
mes a traha di corki decora
cu kraalchi y pluma. E much-
anan bou guia di trahadornan
di Museo a pasa un dushi dia
explorando nos herencia cul-
tural. Asina Museo Arqueo-
logico ta educa nos futuro
generacion pa yuda conserva
y promove esaki, un aspecto
importante di e tema di Dia
Internacional di Museo 2015
“Museonan pa un Sociedad
Sostenibel”.