Page 44 - MIN VOS DEC 4,2015

26 AWEMainta Diabierna, 4 December 2015

Den Deporte Escolar:

Awe ta ultimo
dia pa inscribi
pa Aquathlon
organisa pa
IBiSA

IBISA ta preparando p’e di 3er competencia di

Aquathlon Escolar cu ta tuma lugar diasabra mainta
dia 12 di december 2015. Esaki ta un competencia
escolar cu IBiSA a introduci 2 aña pasa y cu a crece
enorme den participacion di atletanan cu ta representa
nan scol. E espectativa ta grandi un biaha mas.
IBiSA a manda informacion pa scolnan, pa motibo cu
tur inscripcion di esnan cu ta participa n’e competencia
di Aquathlon Escolar mester tuma lugar via di nan scol.
Mayornan cu ta desea pa sigura participacion di nan
yiu, por busca un formulario (individual) na oficina
di IBiSA Oranjestad of na Sport Centrum IBiSA San
Nicolas.
E mayor mester tene na cuenta cu e formulario di in-
scripcion aki mester tin e stempel di e scol riba dje. Pues
p’e ta un inscripcion oficial, mester bay scol y laga scol
stempel e formulario prome cu entrega e formulario
bek na IBiSA.

Ultimo dia pa inscribi ta awe diabierna 4 di december
2015.
Despues cu aña pasa area di Linear Park y Nikki Beach
a keda chikito p’e cantidad di participante y publico,
IBiSA ta cambia di localidad. E competencia e aña
aki ta tuma lugar na Arashi Beach cu tin espacio mas
amplio.
Diasabra mainta ta cuminsa registra for di 8:00 a.m.
p’e competencia por start pa 9:00 a.m. N’e sitio lo tin
awa y gatorade disponibel pa tur participante.

IBiSA ta recorda tur participante cu cada un mester
trece nan mesun baki di awa y serbete, (esun cu ta
landa) p’e por laba y seca su pia. Esnan cu ta bay core
e regla obligatorio ta, cu mester tin keds na pia y t-shirt
bisti riba e ruta.
Busca bo formulario, yena bo informacion, percura
pa bo tin e stempel di bo scol y inscribi awe pa bo no
keda’fo di e competencia di Aquathlon Escolar 2015
cu ta diasabra 12 di december.
Awe ta ultimo dia pa inscribi y participacion ta comple-
tamente gratis.