Page 44 - AAA

130 mil, dus barco crucero ta hopi importante pa Boneiro. E ta genera mas o
menos 30 miyon pa aña y ta duna casi 600 pa 700 hende trabao. Con chikito cu
Boneiro ta, crucero ta sumamente importante pa Boneiro. Pesey ta importante

pa traha hunto cu Aruba y Corsou pa loke ta turista crucero.

Aruba cu Corsou ta enfocando hopi Mega Crucero y Boneiro a dicidi cu nan
eigenlijk, nan ta un tiki diferente di e parti ey. Nan infrastructura no ta acapara

e cantidad cu e mega crucero ta bin cun’e. Esey ta nan focus mas tanto. Tambe
nan ta focus ariba cruceronan luhoso, cu 600 pasahero, nan ta hendenan cu

hopi placa pa gasta. Esey Sr. Adriaens a papia cu Aruba tambe. Esaki ta
pasobra e ta un mercado importante tanto pa Aruba como Corsou. Bo ta wak cu
e turistanan riba e mega crucero no ta gastando mucho placa mas ariba un isla.

Pero tin un desaroyo nobo, cu hopi hende ta bayendo cruceronan luhoso, y
ariba e barco no tin masha cos y ora nan yega un luga, e ora nan ta gasta

placa.
Mester cuminsa focus ariba esaki.

Boneiro tin barconan ta carga te cu 5 mil pasahero, y e piernan ta wordo drecha

pa carga maximo 6 mil pasahero. E na altura cu Aruba y Corsou ta enfoca ariba
mega cruceronan, pero Boneiro, aworaki esaki no tin relevancia. Riba un
termino largo, esaki lo por bira un opcion, pero no pa aworaki segun Sr.

Adriaens.

Turismo di “stay- over” tambe ta bayendo hopi bon, tin varios hotel nobo bou
construccion. Aña pasa Boneiro a haya cadena di hotel Marriott, y fin di 2017 tin

dos hotel tambe nobo cu lo habri. Den dos pa tres aña Boneiro lo haya 600
camber extra. Boneiro actualmente ta focus ariba turista cu ta bin cu avion. For

di Hulanda e ta mas facil, ya cu ta papia cu TUI of cu KLM. Pero Merca ta un
poco mas dificil. Pa otro aña Boneiro ta spera di haya un vuelo for di Miami cu
American Airlines. Esey toch ta basta positivo.