Page 47 - AAA

bon pa cada un di nos tene na cuenta di tur responsabilidad aki pa asina no trece otro den un situacion
dificil. Aki ta sigui algun di nos responsabilidad:  Dak ta lek; esaki ta bo responsabilidad como doño di e
propiedad pa dak di esaki ta den un condicion satisfactorio pa evita cu bo por haya molester di awa. 
Sushi rond di cas; rond di tur propiedad tur momento mester ta safe, pues limpi pa asina evita cu
materialnan los rond di cas por bira proyectilnan cu por causa daño material of humano.  Cura cu no tin
pasada pa awa; tur momento cu Aruba haya un awasero pisa nos ta haya situacionnan caminda
bisiñanan ta confronta problema cu otro. E problema principal tur ora ta cu bisiñanan no ta tene na
cuenta cu ora bo traha bo cura bo mester laga espacio den e cura esta buraco pa asina awa no keda yena
den e cura sin cu esaki tin un pasada pa e sigui core su caminda. Den situacionnan asina bo ta haya cu
mester yama autoridadnan pa asina esakinan bin papia cu bisiñanan pa hunto trata na yega na un
solucion. Pero si adelanta bo a tuma medida of bo tin bon palabracion entre bisiña bo no tin cu yama
autoridadnan y kita nan di atende otro asunto of pa nan bin atende un situacion cu por wordo evita. 
Awa ta drenta den cas; tin algun cas na Aruba cu frecuentemente ta ricibi daño ora tin un awasero pisa.
Pa e habitantenan aki ta bay un yamada pa si tur ora bo ta haya awa ta drenta den bo cas pa tuma e
medidanan di prevencion necesario prome cu e incidente presenta. Den casonan asina lo ta bon pa hisa
bo mueble nan, pone plywood na parti abou di e porta pa evita awa por drenta. Warda bo documentonan
importante, tur locual tin balor historico/sentimental pa bo na un luga sigur of warda den un caha di
plastic cu ta seal e caha pa evita cu awa por drenta y causa daño na bo pertenencianan.  Turista di
desaster; na Aruba nos ta haya tambe e personanan cu asina cu tin un incidente caminda cu ta pidi e
cooperacion pa comunidad no yega cerca di e sitio di incidente bo ta haya cu e momento ey tur hende ta
sali bay wak e situacion.  Hinca bo mes den peliger; na diferente ocasion ta haci e peticion na e
usuarionan pa entre otro no haci uzo di lama ya cu e situacion no ta faborabel, pero nos ta haya cu tog tin
hendenan cu ta sali bay riba lama cual situacion ta trece nan den peliger y tambe di e personal di
rescate.E punto di salida ta semper cu durante e trayectorio di un situacion di por ehempel e pasa di
horcan of di un tempo malo e personalnan di rescate no ta sali pa un caso di emergencia durante e
pasada.

Tur ayudo yrescate lo sosode despues di e pasada y tambe ora cu e instancia concerni duna e ok cu e
personalnan cu ta duna ayudo por cuminsa haci na trabounan. Aki ta sigui algun puntonan di atencion
den caso cu si bo no tin un luga pa keda ya cu bo cas no ta den un estado adecuado pa pasa den e fase di
mal tempo. Den caso cu si e situacion empeora caminda cu ta haci cu mester bay haci uzo di e
facilidadnan como shelter lo informa comunidad di esaki na su debido tempo: Informacion di Shelter 
Desaroya un plan di famia pa preparacion di horcan prome cu un menasa real presenta pa nos isla.  Si
bo no ta sinti bo sigur den bo cas durante un mal tempo, ta bo deber di planea hunto cu bo famia na unda
boso lo  bay. Tuma contacto cu familiarnan, bisiña, amistadnan y haci un areglo.  Si bo persona a dicidi
di bandona bo cas, no warda te na ultimo momento.  Bandona bo cas na tempo pa bo no keda pega den
trafico.  Sigura di tank bo auto 1 of 2 dia prome cu e yegada di e mal tempo.  Si no tin posibilidad pa
keda cerca familiar, amistad of bisiña, e ora e ultimo recurso ta pa bay un shelter.  No lubida cu un
shelter no ta diseña pa comodidad y no ta acepta ningun sorto di animal domestico. Tuma contacto cu 
un animal shelter of bo veterinario.  Scoge e shelter cu ta mas cerca di bo cas  Na momento cu un
Alerta di Horcan wordo emiti (Dentro di 48 ora por surgi condicion di horcan ariba nos isla), kico  bo
mester haci prome cu bo bay na e shelter. Deshaci di obhetonan peligroso cu por bula manera proyectil 
destruyendo bo cas of cas di bisiña. Bureau Rampenbestrijding Aruba kier pa e comunidad ta consciente
pa no bay den panico pero mas bien nos como comunidad mester ta conscientemente prepara. Nos no tin
cu laga un incidente sosode di sorpresa sin cu nos tabata prepara pa atende cu esaki. Manera e dicho ta
bisa “ miho prepara cu lamenta”, pues cuminsa na activa bo plan di emergencia pa bo famia y percura pa
tur miembro di famia ta na altura plan pero tambe cu tur ta contribui pa e plan wordo ehecuta. Ta pidi e
comunidad pa keda pendiente di e informacionnan cu lo wordo suministra via prensa den transcurso di e
proximo oranan pa asina tin un bista di e ultimo desaroyo y preparacionnan. E canal oficial pa Aruba pa
locual ta regarda tempo ta keda Meteo Aruba y si tin cambio of mester duna un alerta tur esaki lo pasa
via di Meteo Aruba. Alabes ta recorda cu tur e instancianan concerni ta sigui monitor e situacion pa si
mester escala si den caso cu e condicionnan cambia pa locual ta e tempo pa e isla di Aruba. Por lesa
informacion riba e facebook di Bureau Rampenbestrijding Aruba of den e parti patras di e buki di