Page 13 - bon-dia-aruba-20211227

a13
riba caya Dialuna 27 December 2021

Accidente na Savaneta

Diadomingo mainta riba e caminda di Savaneta na e crusada
banda di ex formosa un accidente fuerte a tuma luga entre un
pickup cu tabata touw un boto y un otro auto. E impacto a
haci cu e pickup cu e boto a bolter keda den banda y un auto
Chevrolet a keda basta destrui. Polisnan a presenta di biaha y
cera e caminda. Ambulance tambe a presenta pa brinda asis-
tencia na e persona herida. Polis di trafico a haci nan inves-
tigacion y papia cu testigonan pa saca afo kico tabata causa di
e accidente fuerte aki.

Chauffeur a ranca palo di luz y bay laga amigo atras

Riba Caya Betico Croes diadomingo ultimo den oranan di
marduga un Toyota Corolla a ranca un palo di luz y segun
testigonan cu e chauffeur ta purbando na kita plachi number
pa bay for di e sitio. Polisnan ta yega di biaha y topa cu un
homber, segun e ta informa autoridad cu e ta e pasahero y
su amigo cu ta e chauffeur a bandona e sitio lagando e atras.
Polis a detene debi cu e tambe ta burachi y a bay cu e auto. A
notifica elmar pa presenta na e sitio pa atende cu e situacion.