Page 44 - MIN ARENDS

Diabierna ultimo tabata tin eleccion pa parlamento di Aruba y e resultado ta conoci cu

dos partido a saca 9 asiento, un partido 2 asiento y un otro partido 1 asiento. Es decir, den

e proceso aki mester forma un Gobierno di coalicion y den nos tradicion constitucional,

ta Gobernador ta e persona cu ta bay guia e proceso aki. Esey por a mira dialuna y

diamars, cu Gobernador ta ricibiendo persona, politico y no politico, pa haya nan opinion,

pa scucha nan y a base di esaki, tuma un decision ken e ta bay nombra como informador

pa bay den e di dos fase di e proceso di formacion di gobierno.

No ta mara na tempo

Esaki no ta mara na tempo. No ta haya den ley cu den dos of tres luna mester tin un
Gobierno. Loke si tin den nos constitucion cu den tres luna, despues cu a disolve e

Parlamento of a bin cu e Landsbesluit pa disolve, yama eleccion cu mester bin un

parlamento nobo. Pesey e fecha di fin di October ta wordo menciona, caminda e

parlamento nobo ta bay sinta. Pero loke ta toca e Gobierno, esaki por dura dos luna, e por

dura tres luna. Ta spera cu pronto nos lo tin un Gobierno nobo pa Aruba.

Si no tin Gobierno pa dia 27, y kico awo

E parlamento ta cambia a base di e eleccion cu nos tabata tin. Es decir cu e constelacion

cu tin actualmente unda tin 12 miembro di AVP, 1 miembro independiente, 7 miembro di

MEP y 1 di PDR, e constelacion ey ta bay cambia den 9-9-2-1. Y e Gobierno cu ta

demisionario ta e Gobierno cu ta bay sigui guia e pais te cu nos tin un Gobierno nobo cu

ta gosa den un sosten di mayoria den e parlamento nobo.