Page 46 - MIN ARENDS
P. 46
Gobernador Alfonso Boekhoudt a
continua cu ronda di consulta
Posted on 09/27/2017 5:46 pm AST | Updated on 09/27/2017 5:50 pm AST
ORANJESTAD - Gobernador Alfonso Boekhoudt a continua cu su ronda di
combersacion relaciona cu formacion di e proximo gobierno di Aruba. Awe Gobernador
a ricibi e.o. cu presidente di ATIA Ronald van Trigt, mediador di gobierno Anselmo
Pontilius, y ex Gobernador Fredis Refunjol. Den oranan di merdia, Gobernador a papia
cu presidente y director di Camera di Comercio Ernst Mohamed y Sonia Velthuizen,
sigui pa director di Departamento di Recurso Humano (DRH) Omaira Lares, y director
di Directie Financiën Derick Werleman. Cu esaki e ta termina e rondanan di consulta y ta
probable cu prome cu fin di siman, Gobernador por duna un relato di e siguiente paso,
manera apunta un informador of formador di gobierno. foto ©KABGA
