Page 13 - MIN ON

SIMAR ta sinti cu gobierno no ta trahando

segun ley cu scolnan particular

- Advertisement -

Encuanto fondonan pa necesidadnan escolar:

ORANJESTAD (AAN) – Apesar cu Gobierno ta indica cu e suma cu nan ta hinca pa

enseñanza ta esun di mas halto den e presupuesto nacional, falta di fondo ta e
problema di mas grandi cu tin den enseñanza, vooral den aspectonan di e ambiente
escolar pa e alumno sinti su mes confortable den klas y e maestronan confortable

tambe pa duna les.Por ehemplo SKOA ta señala cu e placa no ta yega pa cubri tur e
necesidadnan di mantenimento cu edificionan escolar tin.Matutino DIARIO a acerca sra.
Maroushka Cornelie puntra cual ta e mayor preocupacion cu Sindicato di Maestro
(SIMAR) tin, relaciona cu asunto di fondonan pa educacion.Sra. Cornelie a señala cu
SIMAR ta sinti cu no ta trahando segun ley ta bisa. Pa cuminza, segun sra. Cornelie, e

staatsregeling di Aruba tin un clausula cu ta bisa claramente cu scolnan particular
(bizonder) ta bin na remarca pa cuido di parti di gobierno.Esaki kiermen cu gobierno ta
cubri gastonan di mantenimento, den cierto sentido, segun e Secretario di SIMAR.