Page 14 - MIN ON

E dama a subraya cu si lesa kico e Landsverordening di kleuterschool como tambe
scolnan basico y avanza ta bisa den capitulo 1, articulo 1 ta papia di scolnan particular,
y articulo 45 ta splica kico précis ta cay bao di gobierno.Sra. Cornelie a remarca cu
scolnan tin hopi gasto cu mester wordo cubri pero no ta cumpli cu esey.El a referi na e

grupo di maestro di un scol na Dakota cu mester a pone trabao abao pa haya oido,
mientras cu no mester ta asina. Pero no ta nan so; tin hopi scol cu no tin airco, cu tin
bentananan mas bieu cu tin y deteriora, pero ademas mobiliario den man condicion y
mantenimento di e edificio completo, cu tin cu cay bao di gobierno y no ta asina cu e ta

tumando lugar.Articulo 45 ta menciona cu tur gasto, di tur scol cu ta particular, mester
wordo cubri igual.“Kiermen, no ta asina cu scolnan cu ta cay bao di gobierno mester ta
mihor ekipa y mihor trata cu scolnan cu ta cay bao un stichting, pasobra ta scolnan cu
ta wordo subsidia”, sra. Cornelie a señala.E gastonan ta entre otro, salario, toeslage,

uitkeuring, compensacion, entre otronan cu no ta gastonan chikito. Tambe e ta papia di
mobiliario y tur otro sorto di gasto, incluyendo coriente, awa y gas, cu tur ta cay bao di
gobierno su gastonan.Segun sra. Cornelie aworaki tin un discrepancia entre scolnan
publico y scolnan subsidia, y e diferencia ta grandi. Esaki ta un tema cu SIMAR a trece

dilanti hopi biaha caba, e dama a subraya.“Loke ta di lamenta ta cu mayornan,
maestronan y directivanan di scol, no ta exigiendo suficiente, pa esakinan wordo
realiza.Cada bez bo ta haya cu un grupito ta lanta rabia y ta bisa cu ‘ta basta’ y
despues di un tempo tur hende ta calma, y atrobe, manera tur maestro di scol y ami

mes, e curazon ta bisa ’laga mi sigui atrobe pa e muchanan, y pa ami por traha den un
ambiente drechi pa mi, nos ta bisa ‘ok ban atrobe cu fundraising pa yuda nos scol”. Sra.
Cornelie a expresa.El a agrega cu no tin ningun caminda den ley poni cu directivanan di
stichting mester habri buki (pa control financiero), pero e ta kere cu nan ta

suficientemente transparente.E ta corda cu cuater aña pasa tempo cu Minister
Hooyboer a sinta como minister di enseñanza y prome cu esey tambe, e cabezantenan
di scol basico a sinta traha un rapport unda a mustra kico precies ta gastonan di un
alumno y e suma cu ta wordo subsidia, no ta cuadra absolutamente cu e suma cu e

cabesnantenan a presenta, pues ta algo cu por a wordo adapta caba.Sra. Cornelie a
señala cu loke ta wordo gasta na mantenimento di scolnan, studiantenan, y tur e
gastonan necesario na un scol, ta wordo parti y pa cada alumno e scol ta haya un cierto
cantidad di placa cu ta varia dependiendo di e grandura di e scol, dunadornan di klas,

tipo di enseñanza, y minister a haya tur e datonan aki.Sra. Cornelie no ta na haltura si
e minister a sinta cu e directivanan di scol p’esey, pero sikiera el a haya e rapport door
di e cabezantenan.Kiermen, bista tin y tur aña e cabezantenan ta mustra kico ta
necesario den e scolnan tanto na mantenimento como pa drecha e situacion general