Page 4 - AHATA
P. 4
6 LOCAL AWEMainta Diasabra, 23 Augustus 2025
The Birdie na Tierra del Sol ta presenta
“Golden Hour by the Lighthouse”
RECIENTEMENTE Tierra del Sol a
realisa un ‘soft-opening’ di su cancha
di Golf. Un proyecto grandi cu a tuma
algun luna pa wordo realisa y cu a
culmina exitosamente. Awe tur hungado
di golf por practica y hunga e deporte
riba un cancha renoba. Na mes momento
e club house restaurant tambe a pasa den
algun cambio di nomber y identidad, pues
awor Tierra del Sol ta con cu The Birdie.
The Birdie ta e club house restaurant cu
ta pasando den un cambio di look y menu
pa deleita tur hende cu un concepto
diferente. Diasabra, 23 di augustus, ta
presentando un ‘preview’ di locual ta
e menu nobo pero na mes momento ta
anuncia y debuta Marisela como in-house
entertainment riba tur diasabra. ‘The
Golden Hour by the Lighthouse’ lo ta un
Happy Hour cu lo start pa 5’or y mei di
atardi te cu 7’or y mei di anochi, unda
lo ofrece e bar na 50%. Tur persona lo
ricibi un Bottega Limoncello Spritz by
Pepia Est. como welcome cocktail y
The Birdie lo acompaña esaki cu hors
d’oeuvre inspira di e menu nobo. Marisela
lo t’ey presente cu un repertorio nobo pa
entretene tur presente y lo bay te cu 8’or
y mei di anochi.
The Birdie ta ofrece un menu diferente
cu algun items nobo pero tambe algun
items clasico desde inicio di Tierra del
Sol. Un menu diseña pa Gerald Guerrero,
Executive Chef Tierra del Sol. Tur persona
cu yega Tierra del Sol pa disfruta di
“Golden Hour by the Lighthouse” y cu
keda despues pa cena, por disfruta e
menu aki na 25% descuento pa localnan.
The Birdie ta habri tur dia for di 9’or di
mainta sirbiendo caba desayuno, lunch y
cena te cu 10’or di anochi.
Por haci reservacion via Opentable.com-
The Birdie Tierra del Sol of por yama
semper 5867800 ext. 231 of 242.
