Page 26 - MIN.SJA MRT 19,2015

Gobierno satisfecho con pueblo a celebra Fiesta Cultural riba Plaza Libertador Betico
Croes
Thursday, 19 March 2015 13:48

Comparti

Gobierno di Aruba ta masha satisfecho con e celebracion di Dia di Himno y Bandera a bay, pero sigur cu e
participacion di pueblo den e Fiesta Cultural cu a tuma luga diamars anochi riba Plaza Libertador Betico
Croes.

E celebracion a cuminsa diamars den oranan di atardi cu un ceremonia riba Monumento 18 di maart y a
sigui pa e fiesta pa pueblo riba Plaza Libertador Betico Croes unda cu algun mil persona a acudi.

E anochi aki cu a conta cu presencia di Gobernador Fredis Refunjol, Minister di Cultura Otmar Oduber,
Minister di Asuntonan Social y Asuntonan di Hubentud drs. Paul Croes, Presidente di Parlamento drs.
Marisol Lopez -Tromp y diferente invitado local y di exterior, tabata uno bon coordina y yena cu ambiente
Arubiano. Cuminsando cu un show bunita hinca den otro cu a representa e nomber di e anochi ‘Un Fiesta
Cultural’, tabata un baile presenta pa Youth Chaz Dancers, kendenan bou direccion di Chastity Kock a
baila e wals “Fiesta Arubiano”. Otronan cu a presenta bailenan e anochi aki tabata “Kids in Action” di
Debra Boekhoudt, "Teatro di Danza Arubano" bou direccion artistico di Alydia Wever cu e wals "Sea un
bon Arubiano".

E anochi aki e publico por a scucha e diferente ganadonan di e festival "Un Canto Pa Nos Himno y
Bandera 2015", manera Zarel Yarzagaray y Zenon Daal cu e cancion"Comer y Comper", "Zhaiski Kock" cu
e cancion " Chikito mane mi Isla", Lizamara Lacle” cu e cancion “Canta pa mi trupial" y Jose David
Polanco cu su cancion "Promesa na Aruba", kende a dedica e cancion na su bisiña Gobernador Refunjol. .
E anochi a clausura den forma fabuloso cu algun cancion di e proyecto RESONA bou direccion di Michael
Lampe. No tabatin miho forma pa cera e anochi aki cu e cancionnan di antes den un bachi nobo y canta pa
artistanan di nos suela.

Riba e Plaza un biaha mas tabatin un cantidad di tent di cuminda y cosnan dushi cu a hala atencion di e
publico. Esnan den e tent a expresa cu e aña’ki e celebracion tabata mas grandi cu añanan anterior. Nan
tambe ta satisfecho cu e bon coordinacion y cu tur cos a bay bunita y netchi.