Page 29 - MIN.SJA MRT 19,2015
P. 29
di publico. Tur atraccionnan tabata bon bishita pa cual kier yama danki na prome luga, na e pueblo di
Aruba cu a duna oido na e yamado y a sali pa duna su sosten. Chikito y grandi a gosa enormemente y
mientras muchanan a diberti den e diferente wega, mayornan tabata sinta wak for di tent of banda di
lama.
Manera a splica for di principio, e contribucion di cada persona a bay directamente na cada organisacion
asigna. Siman pasa B1Community a realisa e conteo oficial pa asina por anuncia awor cu orguyo cu
AWAcadabra a recauda un total Afl. 7008 pa organisacionnan social. E representantenan di cada
fundacion ta masha contento con e actividad a cana y e reaccion di publico tabata super positivo.
Naturalmente y como ta trata di e prome biaha cu ta haci algo asina, tabatin imprevistonan cu
organisadonan a logra maneha danki na e trabou den ekipo. “Nos a siña masha hopi durante e dos ultimo
dianan aki,” asina president di B1Community, Marlon Kock a duna di conoce. Awor ta den proceso pa
colecta tur comentario y haci un evaluacion. B1Community tin intencion di ripiti AwaCadabra y lo
determina cu ki frecuencia esaki ta bira.
Por ultimo, pero sigur no menos importante, ta gradici inmensamente e participacion valioso di
comercio local. Un danki grandi ta bay na Ritz, Big Wheel Lottery, Wendy’s, Interport, Sbarro, DOW,
Aruba Bank, Utilities Aruba N.V., CoLab, Verbum Works, Kloes Kock & Partners, ALBO y CERD pa nan
contribucion. Un danki special tambe pa e colaboracion ricibi di Addonsito Croes como maestro di
ceremonia durante henter dia, na Cuerpo Policial di Aruba, na boluntarionan di Formacion Social y
naturalmente na famia, amigo y voluntarionan cu a duna sosten durante trayecto di AWAcadabra.
Un biaha mas, un danki grandi di curason di parti di B1Community Foundation na un y tur cu a yuda.
Tur pregunta y comentario, como tambe compania y organisacion interesa pa forma parti di e proximo
edicion di AwaCadabra, por fabor tuma contacto atrabes di www.b1community.aw.
Pa potretnan di e evento, bishita e B1Community Facebook page. Danki.
