Page 24 - MIN ECEM 29 JUNE 2017

deseo aki su contesta tabata ‘unda tin un deseo ta haya un solucion!’ E no por a
bisa con e ta bay haci’e. E no por a bisa con ta bay paga p’e. E no por a bisa
ken ta bay paga p’e. E no por a bisa pa cuanto tempo e ta bay bah’e. Pa un

aña? Dos aña? Anto despues mester his’e atrobe?

Miembronan di fraccion di AVP a insisti pa haya un contesta, pero e lidernan di
MEP no por y no kier a duna un contesta. Anto e lider di MEP mes ta un experto

riba e tereno aki cu a conseha Gobierno di MEP den pasado pa hisa e edad di
pensioen den menos tempo na 65 aña, pasobra e fondo no lo por a carga e peso

di e pago di pensioen mas. Awe e mes un lider di MEP ta priminti di baha e edad
di pensioen, pero no kier bisa pueblo con. Cu otro palabra e kier haci pueblo
votado contento cu un idea, pero sin bisa con e ta bay haci’e. Den asuntonan

asina serio, bo mester bisa con, sino e ta nada mas cu un promesa bashi di
campaña, djis pa gana voto.

DESEO y CONSECUENCIA

Rene Herdé di e fraccion di AVP a bisa e lider di MEP, cu por baha e edad di
pensioen, pero nan tin cu bisa pueblo kico lo ta e consecuencia pa

pensionadonan, pa trahadonan y pa companianan. Rene Herdé: “Si. Boso por
baha e edad di pensioen. Pero boso mester ta honesto cu pueblo y bisa tambe
kico ta e consecuencianan di boso idea. Boso mester bisa acerca, manera e

expertonan ta mustra, cu e consecuencianan di boso idea lo ta cu e trahadonan
actual y companianan lo mester bay paga hopi mas prima pa paga e pensioen.

Of e lo nifica cu e pensioen cu pensionadonan ta cobra awe lo mester baha.
Mescos cu a sosode na Corsou. E pensionadonan lo cobra menos na pensioen

tur luna. Of un combinacion di tur e medidanan aki. Pero bisa pueblo cu ta
Pueblo mes lo mester bay paga pa esaki den forma di medida!” Pero te na fin di

e reunion niun di e tres miembronan di MEP cu a bay traha awe, no a duna un
splicaicon di con lo bay paga pa e idea aki. Den tur idea of plan mester mustra
con ta bay paga pa nan. MEP sinembargo kier lansa e plan, pero no ta honesto

cu pueblo y no kier bisa pueblo kico e consecuencianan lo ta pa pueblo mes!