Page 22 - DVG

E casonan aki mayoria a worde raporta den diferente region di China pero tambe na
Japon, Republica di Korea, Thailandia y un caso na Merca te cu awe 22 di januari 2020.

Na Aruba actualmente no tin ningun caso sospechoso y mucho menos caso confirma di

novel Coronavirus.

Como Departamento di Salud Publico nan ta comunicando cu diferente organizacion y
disciplina riba e tereno aki pa asina reinforsa nos sistema di “surveillance” y

“monitoring” pa si encaso un posibel caso presenta. Te na e momento aki WHO no a
emiti ningun restriccion di biahe y of comercio pa China.

Segun expertonan e virus di novel Corona ta worde transmiti di hende pa hende y ta

duna sintomanan cu ta afecta e sistema respiratorio manera calafrieu, tosamento,
keintura, nanishi ta core, nister, dolor di musculo y den casonan severo problema di
riñon, pulmonia y hasta morto.

Na e comunidad Chines cu ta biahando pa China pa celebra aña nobo Chines y na
comunidad di Aruba nos ta recomenda pa sigui e recomendacionan di WHO pa aplica
medidanan di higiena general manera:

(*) Laba man frecuentemente cu awa y habon of uza “hand sanitizer”.

(*) Tosa of nister den klinex desechabel of den elleboog.

(*) Evita contacto cu personanan cu sintomanan di griep.

Si bo a bishita un pais cu caso confirma di Novel Coronavirus y bo presenta sintomanan
respiratorio (vooral cu bo tawatin contacto cu hende malo cu sintoma nan di griep)

tuma contacto cu bo dokter di cas mas pronto posibel y dune informacion di bo historia
di viahe.

https://www.diario.aw/2020/01/dvg-aruba-vigilando-e-desaroyo-mundial-rond-di-coronavirus/