Page 17 - DVG

ORANJESTAD (AAN): Departamento di Salud

Publico di Aruba ta bezig ta monitor desaroyonan internacional di cerca relaciona cu e
Novel Corona Virus.

Basa riba kico e Comite Internacional di Emergencia dicidi, si ta declara e Novel Corona

Virus un emergencia pa salud publico of un preocupacion internacional, DVG di Aruba lo
aumenta su vigilancia pa sintomanan respiratorio especialmente pa biaheronan
procedente di paisnan unda casonan a wordo raporta.

Departamento di Salud Publico tin un plan pa contene infeccion causa pa un virus
respiratorio y esaki lo wordo activa unabes cu señala un posibel caso di Novel Corona
Virus na Aruba.

Dia 31 di December World Health Organization (WHO) a wordo notifica acerca di
casonan di pulmonia cu tabata aumentando na Wuhan China, di cual e causante a
wordo identifica como un Novel Corona Virus. E prome caso identifica a wordo
epidemiologicamente relata na un mercado di seafood na Wuhan, China.

Señalnan comun di e infeccion ta sintomanan di e sistema respiratorio, keintura,
tosamento, rosea cortico y dificultad pa hala rosea. Den casonan mas severo e infeccion
por ocaciona pulmonia, sintomanan di e sistema respiratorio grave, problema di riñon y

hasta morto.

Casonan cu historia di biahe pa Wuhan a wordo señala den otro areanan di China,
manera Beijing y Guangdong. Tailandia, Japon y South Korea tambe a raporta casonan.

Informacion te na e momontonan aki ta indica un total di 205 caso señala pa
laboratorio di 2019 n-CoV y 3 caso registra di morto.