Page 13 - AM240801

Diahuebs, 1 Augustus 2024 AWEMainta
Considerando medidanan drastico
Autoridadnan di Florida ta identifica fanaticonan
despues di final di Copa America 2024
E consecuencianan di e final di Copa America 2024 na Hard
Rock Stadium na Miami a tuma un giro preocupante mien-
tras autoridadnan di Florida a identifica aproximadamente
7,000 fanatico cu a drenta e stadion forsosamente sin
ticket. E individuonan aki, hopi di cual tabata sostenedo di e
seleccion nacional Colombiano, awor ta enfrentando posibel
aresto y deportacion.
Segun un informe di Marca, un total di 8,000 hende a kibra
siguridad pa haya entrada no autorisa n’e partido final entre
Argentina y Colombia. E autoridadnan a emplea tecnologia
di camara avansa capaz di detecta dato biometrico pa iden-
tifica 90% di e intrusonan. Hopi di esnan identifica tabata di
nacionalidad Colombiano of tabata bisti paña di Colombia.
Den respuesta n’e kibramento di siguridad aki, autoridadnan
di Florida a anuncia un represion riguroso. Polis di Miami
ta buscando activamente e individuonan envolvi den e inci-
dentenan. E medidanan bou consideracion ta inclui aresta,
encarcela, y hasta deporta esnan cu a participa den e caos.
Rapportnan ta indica cu un cantidad significante di e indi-
viduonan identifica ta residente di Miami y/of inmigrant-
enan indocumenta. Esaki a provoca un respuesta rapido for
di autoridadnan local, cu a cuminsa e proceso di localisa
y detene e culpabelnan. E medidanan drastico ta subraya
INTERNACIONAL 13
e seriedad cu cual autoridadnan di Florida ta tratando e
evento di e anochi ey.
E disturbio na Hard Rock Stadium no solamente a daña e
celebracion di e victoria di Argentina, lidera pa Lionel Messi,
pero tambe a lanta preocupacion significante tocante sigur-
idad di stadion y control di multitud. E entrada no autorisa
pa un cantidad asina grandi di fanatico a destaca e nece-
sidad pa miho medidanan pa preveni incidente similar den
futuro.
E implicacion di e accionnan aki ta substancial, ya cu hopi di
esnan identifica por enfrenta consecuencianan legal severo.
E enfoke di e autoridadnan riba tanto aresto como depor-
tacion potencial ta refleha e gravedad di e situacion y nan
compromiso pa mantene orden publico y siguridad.
E incidente aki ta sirbi como un recordatorio fuerte di e
importancia di protocol di siguridad estricto na eventonan
deportivo grandi. Mientras e investigacion ta continua, ta
keda di mira cuanto di e individuonan identifica lo wordo
deteni y ki medida a largo plaso lo wordo implementa pa
preveni sucesonan asina den futuro. E accion di e auto-
ridadnan di Florida probablemente lo establece un prece-
dente pa con situacion similar ta wordo maneha den futuro,
enfatisando e importancia di comportacion legal y respet pa
regulacion na eventonan publico.