Page 7 - MIN ARENDS
P. 7
Efectonan negativo den turismo
ta door di crecemento artificial
8 September, 2017
0
Ta alarmante pa constata con un parlamentario di e partido politico den
gobierno y un ex gobernante riba e tereno di Turismo ta expresa nan orguyo
con e industria di Turismo ta desaroyando na Aruba siendo cu tin tur señal y
prueba di net lo contrario.
Aruba ta depende te ainda practicamente totalmente riba e industria di Turismo
como su pilar economico y ami sigur ta tuma e industria aki y su señalnan na
serio. Nos di MEP no a dicidi di drenta politica pa haci wega si no pa aporta cu
nos conocemento y experticio.
Resultadonan disponibel ta indica cu cantidad di bishitante stayover a baha cu
7.0% te cu luna di juli di 2017 compara cu e mesun temporada di 2016. Esey cu
ya cantidad total di bishitante stayover a baha na 2016 cu 10.0% compara cu
2015. E resultado aki ta wordo afecta drasticamente pa e mercado Venezolano
y mester remarca cu por a constata crecemento den e mercado Mericano, si no,
Dios lo sa e caida real cu Aruba lo a experencia. E efecto di caidanan aki ta
danki na un crecemento artificial y e maneho cu e ex mandatario di turismo di e
