Page 8 - MIN ARENDS

gobierno di AVP a hiba. Mester remarca si tambe cu e hecho cu por nota
crecemento den e mercado Mericano, cu Aruba ta bolbe bira demasiado
dependiente di e mercado aki, ripitiendo e ora e mesun preocupacionnan di

pasado.

Apesar di pronosticonan economico cu Aruba lo bay cera e aña cu crecemento,
mester sigui e desaroyo aki di cerca paso ya den e rapport “State of the

Economy 2016” di Banco Central por a constata cu Tourism Receipts tambe a
experencia caida di 1.2% den 2016. Sin conta cu te ainda no por conta riba

actividadnan di rehabilitacion den e planta di refineria. Mirando e grafico cu
Banco Central a publica aki, por nota e tendencia di e desaroyo di placa cu
bishitantenan ta laga atras na Aruba cu tambe ta cayendo. Mirando cu e dos

industrianan aki ta esunnan cu mas ta aporta na Aruba su economia, na e
momentonan aki no sa si por conta cu un resultado positivo pa loke ta trata

crecemento economico na Aruba pa 2017.

Mas ainda, den e rapport di IMF pa Aruba di juni 2017 ta bisa cu e desaroyo den
bishitante stayover tawata zwak desde mey mey di 2015 caba. Pero tambe ta

dunando Aruba e señalnan cu Aruba mester prepara pa e posibel efecto di e
mercado Mericano biahando pa Cuba. Tambe IMF ta menciona e problema di
criminalidad y siguridad pa e industria turistico na Aruba. IMF ta sigui menciona

tambe e posibel efectonan negativo di e introduccion di e tourist levy cu ta un
tax cu tambe e ex gobernante di e actual gobierno a introduci pa e

bishitantenan di Aruba.

Mester bisa cu MEP den gobierno, e team hoben profesional y dinamico cu bon
preparacion y experencia ya ta brainstorm riba e posibel stategianan y solucion

pa e industria aki mirando retonan y e ultimo desaroyonan aki. Naturalmente
strategianan dirigi riba e calidad di nos producto Aruba pero tambe riba e
calidad di bishitantenan cu lo desea di atrae pa Aruba.