Page 10 - AM210920
P. 10
10 AWEMainta .com Dialuna, 20 September 2021
Accidente cu bastante daño material y un persona herida ma Sero Blanco
Diasabra anochi den careda di 8’or, Polis y tambe
ambulance a ser pidi na Sero Blanco, unda un
accidente a sosode y tabatin hende herida.
Na yegda Polis a constata cu tin un hobencita basta
spanta y lo tin dolor na pecho.
E autonan envolvi tabata un Daihatsu y un Nissan
Skyline. Chauffeur di e Skyline despues di e impacto
fuerte a baha zonza y cana drenta cura di un
cas. Locual nos por a compronde di e testigonan, ta
cu e Daihatsu tabata para riba e cruzada dilanti cu su
señal pa bira na su man robes, pa drenta e caya.
Chauffeur di e Nissan biniendo cu velocidad halto lo
no a mira e auto para pa bay sortea y ta dal patras n’e
banda robes, unda cu e Nissan a sigui y bay para den
porta di un cas.
Polis a pidi pa transportwagen debi cu na prome
instante Polisnan a pensa cu e chauffeur ta bou
influencia, pero despues cu Polis di Trafico a yega y
tambe Paramediconan a opta pa hibe Hospital.
E mucha muher no tabatin mester di bay Hospital,
debi cu tabata trata mas di un susto grandi.
