Page 9 - AM210920

Dialuna, 20 September 2021 AWEMainta.com 9

Lider di fraccion di MEP drs. Shailiny Tromp-Lee:

“Mi ta honra di un biaha mas por ta un

representante di pueblo.”

Segun Shailiny Tromp-Lee pa su
persona ta un honor di por a huramenta

diabierna mainta, 17 di september
2021, como miembro di e organo di

mas halto di Aruba.

E ta sinti su mes honra di por ta un
biaha mas un representante di pueblo

y hunto cu demas miembro di fraccion
di MEP e ta cla pa cumpli cu su tarea di

sirbi nos pais y nos hendenan.
E ta gradicido na Papa Dios y na tur cu

a pone nan confiansa den su persona.

E ta indica cu mescos el a bin ta haci
ultimo añanan, e lo percura na tur

momento pa salvaguardia interes
di pueblo y no obstante cu e ta un

Parlamentario cu ta sostene Gabinete
Wever-Croes II, e lo sigui cumpli cu su

trabou di controla Gobierno y ta un bos
pa pueblo. Algo cu sigur el a demostra

ultimo 4 añanan.

Na mes momento e ta enfatisa cu ta
tarea di cada un di e 21 miembronan

di Parlamemto pa sigui eleva e nivel di
politica den Parlamemto y asina aporta

n’e meta pa restaura e confiansa di
pueblo den e organo mas halto di nos

pais.
Tromp-Lee ta finalisa bisando cu el

a asumi e reto pa ta lider di fraccion
di MEP y cu e tin tur confiansa den e

ekipo cu e lo lidera den e periodo nos
dilanti.