Page 29 - HOH

tambe procedura pa cana den caso cu un barco informa cu e tin pasahero malo
abordo. Esaki no ta nada straño y sa sosode mas biaha.
E proceso ta encera monitor e salud di pasahero y tripulante durante 48 ora
prome cu nan yega Aruba. Esaki ta sosode abase di un Maritime Declaration of
Health (MDH) cu e barco ta manda unda e team medico riba e barco ta specifica
cuanto hende malo tin, kico ta e sintomanan, cua precaucionan a ser tuma
caba, si tin pasahero isola y mas datosnan importante cu por yuda nos haya un
bon bista di e situacion reinando riba e barco.
Abase di e informacion aki DVG ta tuma contacto cu instancianan internacional
manera RIVM pa conseho si ta necesario. Cu tur informacion ricibi di e barco ta
tuma e decision pa laga e barco drenta nos waf si of no. Na yegada di e barco
personal di servicio di Malesnan Infeccioso y Epidemiologie lo por subi e barco y
haci inspeccion si esaki ta rekeri.
Pasobra un otro isla ta nenga entrada di un barco crusero no ta motibo pa nos
pais nenga esaki tambe. Si nos mester yega na e decision aki na Aruba, nos
mester motiva nos decision bon debi na tratadonan internacional cu Aruba tin
firma. Cu esaki nos kier enfatisa cu despues di encamina e proceso completo y
conclui cu un barco por ta un peliger pa salud di nos poblacion e decision pa
nenga entrada di un barco por y lo wordo tuma si ta rekeri esaki.

https://masnoticia.com/proceso-di-departamento-di-salud-publico-na-momento-cu-tin-pasaheronan-
malo-riba-un-barco-crucero/