Page 31 - KPA FLIP 15 JULY 2017

core auto mientras ta papia na celular, ta castigabel. Hopi biaha ta mira con
chauffeurnan ta core auto y cu celular den man. Esaki tabata motibo cu Sra.
Velazques a bay traha ariba e ley aki, despues di a haci sondeonan, despues di

a papia cu departamento di Trafico y Roadservice, ya cu nan esunnan cu ta
traha ariba casonan di dalmento den trafico. Pesey a haci e hecho cu ta core

auto mientras cu tin celular den man, of ta papia na celular, un acto castigabel.

Sra. Velasquez a entrega e amienda, cu a haci cu a bin cu’n articulo, cu a wordo
yama articulo 7a, cu ta haci cu na momento cu ta core un vehiculo di motor, un

brommer, un snorfiets of un brommer pa personanan cu tin un discapacidad
fisico, ta estrictamente prohibi di tin un celular den man. Manera ya sa, tin hopi
auto tin’e, ingebouwd, cu ta haci’e “handsfree”, cual no ta castigabel, pero si e

por ta un distraccion. Pero aworaki ta castigabel, pa tin un celular den bo man,
mientras cu bo ta coriendo un vehiculo di motor.

E ley a wordo aproba dia 20 di Juni, e tin cu bay Gobernador, pa Gobernador

firm’e y publik’e. Prome cu e wordo publica, e no ta drenta na vigor ainda. Ora
cu e wordo publica den e Publicatieblad, e ora e ta bay na vigor. Con leu e ley

aki ta, no ta conoci cerca Parlamentaria Sra. Velasquez. A bin cu e ley specifico
aki, pasobra cu hopi biaha e ta bira hopi mas facil y practico, pa e polis traha su
procesverbaal.

Tambe tin e articulo 2, den ley di trafico, cual polis semper por a uza semper pa

actua contra hende cu celular, unda ta para cu ta prohibi pa actua di tal
manera, cu por trece e siguridad di trafico den peliger. E polis tur tempo por a

actua segun articulo 2. Ta pesey a bin cu e articulo specifico, articulo 7a, di ley
di trafico, unda ta haci e hecho cu tin un celular den man, mientras ta coriendo

auto, castigabel.

Sra. Velazques a splica cu ta bira dificil en berdad pa polis controla, y den

practica ta dificil pa controla ya cu ta mas o menos 20% di autonan tin glasnan
getint, y mas ainda cu nos gobernantenan mes ta core cu auto cu glasnan

getint. Aki na Aruba ta permiti ainda cu cierto grado di tint ariba bo glasnan di