Page 34 - KPA FLIP 15 JULY 2017

siguridad interno na KIA sigui aumenta. Tambe tin un curso andando, caminda
e esencia su tras tambe ta pa duna detenidonan norma y balornan, siñanan
esaki, pero tambe na final di dia pa aumenta e siguridad den KIA. Awe nan a

firma e acuerdo di cooperacion, cual ta un punto hopi importante pasobra como
KIA, e vision cu tin ta pa atrabes di maneho, haci e chens cu un detenido por

drenta bek den comunidad. Kier optimalisa esaki. Juist e ta door di acuerdonan
asina aki cu socionan den comunidad, ta bay haci esaki mas y mas realisabel

tambe. Pesey tambe e ultimo aña a traha duro na KIA pa asina percura pa KIA
wordo mira tambe como un organisacion confiabel y cu esey Tjon ta referi cu si

traha hunto cu un partner cu e por ta sigur cu actividadnan cu tin programa cu
nan, ta sigui. Tin continuidad den tur cos den loke nan ta haci. No solamente pa
KIA, pero pa Aruba en todo caso, toch un momento importante pasobra mas

chens un detenido tin pa echt por integra bek den comunidad, na final, e chens
cu e lo bay comete un acto malo ta bira mas chikito, segun Tjon.

Bisando esey, Tjon ta gradici director di Cruz Cora pa e oportunidad aki y cu
esey, a firma e protocol di cooperacion.

Tjon a sigui splica cu educacion pa detenidonan ta tuma luga. Tin masha hopi
curso andando. Por ehempel recien den prensa a sali un publicacion di shete

detenido cu a gradua como lasser. No ta algo incidental. E ta parti integral di un
leerwerktraject. Nan no ta gradua solamente den KIA, sino for di KIA nan ta
haya un trabao den e area ey. Tambe nan ta haya les di Ingles y Hulandes. Den

Augustus nan lo cuminsa cu un curso hunto cu Ibisa pa lidernan den recreacion.
Den pasado tabata tin cursonan di electro, cu tambe tin diferente hende cu a

gradua y tur e tipo di cursonan aki ta hunto cu Enseñansa pa Empleo. Asina por
sigui menciona diferente curso. Tambe tin un curso andando di spuit y kita deuk

di auto. Tin hopi curso andando na KIA na bienestar di e detenidonan, segun
Rocco Tjon.

A puntra sr Tjon si tin plan pa cera mas acuerdo asina aki pa yuda nos prezonan
ora nan sali for di KIA.
KIA su intencion ta pa cera mas acuerdo cu otro organisacionnan, pasobra ta

importante cu prome cu e detenido sali for di KIA, ya caba e tin un luga
caminda cu e por traha pa asina ora cu e sali e ta bira mucho mas facil pa e por

sigui riba e bon rumbo cu ya caba for di den KIA ta purba di pone nan riba dje.