Page 7 - MIN TTC JULY 15
P. 7
AWEMainta Diaranson, 15 Juli 2015 25
Show di Roadmarch, Calypso y
Tumba lo bira algo grandi
8 di AUGUSTUS
den Centro di
Bario Brazil
MASHA hopi bon comentario tin den comunidad caba
relaciona cu e show aki.
Hopi ta esnan cu ta corda tempo atras den Lago Sport Park,
cu awa of sin awa e show ta sigui.
Den e show na Centro di barrio Brazil ta bay tin artistanan
cu a sacudi Aruba y Antillias.
Entre otro: Inki Richardson, Buddy Versprey, Eugene
Alberts, Valentino King, Rusty, Easy B- Bradley, Chicho
Kock, Danny Koolman, Papito Rafael, Janiro Eisden, Tattoo
Quant, Albert Manuela, Raffi Flanders, Cliffy “road on fire”
y for di Corsou Elia Isenia, kende ta bin di vacacion serca
su amigonan na Aruba y ta canta tambe.
Ta bay tin un solo banda, “allstars” bou encargo di Danny
Koolman cu lo acompania tur e cantantenan.
Pues asina ta, cu e ambiente lo ta non stop.
Cantantenan ta bay cuminsa cu ensayo y e ultimo siman
ta bay haya sa cua cantante lo habri e show, y cual ta sera
e anochi. Segun a tende, cu tin un cantante cu kier habri e
anochi cu un tremendo show.
Show di calypso roadmarch y tumba ta birando dia pa dia
grandi, un monstro cu ningun hende por perde e anochi aki.
Bin pa bo jump, pasobra aki no tin tempo pa sinta.
Artistanan lo lagabo recorda un par di aña atras. Asina
ta prepara pa dia 8 di augustus pa 8:00pm den Centro di
Bario Brazil.
