Page 6 - AM210116

6 AWEMainta Diasabra, 16 Januari 2021

Minister Xiomara Maduro a ricibi bishita

di cortesia di Kiwanis Club of San Nicolas

Minister Xiomara Maduro a ricibi un bishita

di cortesia di Presidente di Kiwanis Club of

San Nicolas, sr. Alvin Molina, kende a pre-
senta e mandatario cu un bunita calender

‘Unsung heroes’ dedica na tur nos ‘frontlin-

ers.’
E calendar tin un balor di 25 florin y ta wor-

do bendi p’asina recuada fondo p’e club di

servicio por sigui brinda yudansa den comu-
nidad na San Nicolas, specialmente na nos

hobennan. Minister Maduro ta gradici sr.
Molina y full Kiwanis Club of San Nicolas

p’e bunita iniciativa pa honra nos heroenan

den comunidad y haci nan visibel henter aña
via e calendario special aki.

For di awe nochi “Soca Art-Raise your voice!” den Cas di Cultura

AWE diasabra 16 di januari 2021, Cas di Cultura ta habri e ex-

posicion di arte visual, “Soca Art-Raise your voice!”. P’e ocasion
special aki e artista Sharina Gumbs lo mustra su obranan di

arte. E anochi lo cuminsa for di 7’or te cu 9’or di anochi y pu-

blico tambe por admira e exposicion aki te 4 di maart 2021.
E exposicion aki ta forma parti di un programa piloto experi-

mental di exposicionnan di Arte Visual na Cas di Cultura. Asi-

na Cas di Cultura ta contribui n’e desaroyo di e infrastructura
di Arte na Aruba.

Diasabra anochi 7or publico en general ta invita pa bin apre-

cia y forma parti di un evento unico. E artista, Sharina Gumbs
lo ta presenta p’asina un y tur por mira y experencia nan obra,

pero tambe pa por combersa cu ne.
Danki sigur tambe na Prins Bernard Cultuurfonds Caribisch

Gebied cu ta subsidia parti di e programa aki durante e pan-

demia di Covid.
Entrada p’e anochi aki ta completamente gratis y ta cumpli cu

tur protocol di DVG. Ta pidi un y tur cu lo atende e evento aki
pa bini cu tapaboca. Pueblo di Aruba ta keda cordialmente

invita pa bin disfruta di e exposicion “Soca Art- Raise your

voice!”.