Page 12 - AM210904

12 AWEMainta .com Diasabra, 4 September 2021

Defensa a clausurá yudansa di emergencia na Haiti

E operashon di yudansa di emergensia na

Haiti a clausura. E envolvimento di Defensa
tabata pa 14 dia y a cuminsá diabièrnè
20 di augùstùs. Gobièrno Hulandes a
dicidí pa desplegá Militarnan Hulandes,

despues di un peticion pa yudansa di parti
di Gobièrno di Haiti. Haiti riba dia 14 di
augùstùs a keda asotá pa un teremoto
pisá, cu a exigí hopi víctima y a ocasioná

hopi destruccion. Hulanda tabata un di e
paisnan cu hopi rápido a dicidí di manda
yudansa (militar) di emergencia.

E Barco di Marina Hulandes Zr.Ms.
Holland, cu abordo 99 militar, un
helicòpter y botonan di motor rápido, a
cuminsá su curso dia 20 di augùstùs pa

Haiti. E participacion Hulandes a tuma
lugar dentro di un mision di yudansa di
emergencia humanitario di Nacionnan
Uní. E organisacionnan di yudansa di

emergencia presente na Port-au-Prince
(bao di cua tambe Cruz Còrá Internacional
y UNOCHA desde Nacionnan Uní) a
coordiná e necesidadnan di yudansa den

e zona di desaster. For di esey a sigui
tareanan concreto p’e barco di Marina.

Awa, artículonan médiko y paketenan

familiar
Asina Zr.Ms. Holland a ehecutá diferente
mision di reconocemento cu helicòpter y
FRISC, pa haña un mihor bista di e daño

y necesidadnan di yudansa. E barco
patruyero a sostené tambe cu logística,
moviendo personal y material di A bay B.
Hopi caretera den interior ta destruí dor

di e teremoto, ademas nan ta insigur
pa motibo di actividadnan criminal. P’e
motibo ey transporte a tuma lugar via
aéreo òf via marítimo.

P.e. pa bay Les Cayes. Zr. Ms. Holland
ademas a descarga na diferente lugar
suministro di emergencia. Entre otro
na Aquin, Anse-à-veau, Baradères y

Miragoâne specialmente awa, material
médico y paketenan pa famia a keda
entregá.

Di yudansa di emergencia pa yega na
reconstruccion