Page 9 - AM210904
P. 9
Diasabra, 4 September 2021 AWEMainta.com 9
Altezza a perde control riba caminda
di tera y bay dal un pal’i luz
Diabierna merdia den careda di 1’or,
Polis a haya informacion cu lo tin un
accidente di trafico na altura di Taco
Bell riba Avenida Nelson O. Oduber.
Tabata trata di un accidente cu hende
herida.
Na yegada di Polis, nan a topa cu
Altezza riba un caminda di tera panort
di e salida di Taco Bell.
Algun rato despues Polis di Trafico a
presenta, y a constata cu tabata trata
di un auto cu a dal contra un pal’i luz.
Den e auto tabatin un persona a ricibi
un kap na cabes dor di e impacto.
N’e sitio nos a compronde cu Polis a
conclui cu e chauffeur lo a bay “draai” e
auto riba e caminda di tera. E chauffeur
kizas a lubida cu ta riba tera e ta y aki
ta unda e auto a perde control bay dal
contra un pal’i luz.
Ambulance tabata na caminda y na
yegada a laga e persona herida bay den
ambulance, unda el a ricibi tratamento.
Daño material ta considerabel.
Compania di seguro tambe a presenta
n’e sitio.
