Page 14 - CITGO

Chris Dammers Gabinete Mike Eman II cargando economia
di Aruba

Tuesday, 13 June 2017 19:20
Comparti

“Pa prome biaha den historia di Aruba nos por a cera aňa 2016 cumpliendo cu tur e normanan stipula cu
nos ley di comptabilidad di pais Aruba:
· Gobierno di Gabinete Mike Eman I a entrega e presupuesto pa aňa 2017 den luna di september
2016 cu asina parlamento di Aruba a logra pasa esaki den e procesonan na tempo y aproba esaki
prome cu fin di aña;
· Tambe e cuenta anual di aňa 2015 pa responsabilisa e entradanan y gastonan di pais Aruba pa
aňa 2015 a keda entrega y aproba na ora, finalmente pa Parlamento di Aruba;
· Despues cu Parlamento di Aruba - a base di mocion di e fraccion di AVP - a pasa esaki pa haya
cada reportahe cada kwartaal di Gobierno di locual ta e entradanan y gastonan di Gobierno ya te cu
awo nos a haya e di 7, cumpliendo tur kwartaal cu esakinan.
IMF a laga sa bon cla na aña nan 2009 prome cu Gabinete Mike Eman I a asumi responsabilidad cu e
crisis mundial, ceramento parcial di Valero y e mal gobernacion di partido MEP a percura pa prome
biaha un ‘double dip’ na pais Aruba. Nos economia a cay cu 15% y desempleo a crece ten a 12% treciendo
tur e problemanan social cun’e.
Banco Central a laga sa den nan rapport na 2009/2010 cu nos lo por papia di un finansa publico
sostenibel solamente posibel si por logra e siguiente puntonan:
1. calidad di recuperacion den e sector turistico – caminda nos por papia bek di un turismo solido;
2. posicion financiero debil di gobierno – caminda a inverti bek den pais Aruba teniendo un
economia stabiel y a bolbe baha e deficit bou di 3% (norma Europeo);
3. dilemanan rond di e fondo di pensioen pa ambtenaar y fondo di pensioen general di biehes –
caminda a logra rescata tur e 2 fondonan aki;
4. e gastonan di personal relativamente halto – caminda awor a logra baha e cantidad di personal
di ariba 5.000 pa rond di 3.900;
5. AZV, caminda cu gobierno mester hinca sumanan grandi anualmente aden di ariba di 125
miyon – tambe a wordo minimalisa substancialmente anualmente;
6. Logra habri y tene e rafinaderia cu lo mester opera na un manera stabiel – a keda un hecho na
2016 caminda cu CITGO a cumpra e propiedadnan di Valero.
Asina tambe a cumpli cu tur e rekisitonan di Banco Central.
Awor recientemente Banco central di Aruba pa e “Economic Outlock 2017” publica 13 Mei 2017,
recientemente, ta pronostica un crecemento economico pa aňa 2017 di 3.4% di nos GDP te na 4.819
miyon. Esaki ta principalmente basa ariba un crecemento anticipa den e desaroyo den CITGO y un
crecemento di 1.3% den e entradanan di turismo.
Tambe e aña aki nos a habri aňa caminda IMF y Fitch a haci un auditorio cada un apart ariba nan
rekisitonan ariba e situacion financiero di pais Aruba.
Pa locual tabata IMF nan a keda satisfecho cu adelantonan cu nan a mira y muy primordialmente
e varios cumplimento ya menciona den e relato di Banco Central menciona mas ariba. Pa locual ta Fitch
nan a reconfirma nos categoria bou di BBB- y di ta den un economia cu un ‘outlook stable.’