Page 17 - CITGO

ainda. Semper ta habri pa traha cu diferente partner. Punto ta cu e grupo Chines tin e lead na e
momentonan aki y PDVSA a expresa su deseo di tambe forma parti di e totalidad. Mester bay
negosha con ta bay hinca e structura den otro cu por ta PDVSA tambe forma parti di como un
partner.

Con ta cu Gobierno

Martina a splica cu e Gobierno ta canando bon. Nan tin un siman cu nan a sinta. Martina ta
hopi optimista door cu na Corsou na e momentonan aki, e mayoria den Parlamento ta wordo
ya caba logra cu dos partido. Esey ta nifica cu nan por garantisa un stabilidad. Antes tabata tin
mester di tres pa cuater partido pa haya un mayoria. Awor aki ta dos. Esey ya caba ta un
fundeshi pa mas stabilidad. A logra un acuerdo di Gobernacion den menos cu 4 dia. Esey
tambe ta mustra e boluntad di e Gobierno aki pa traha hunto y logra. Kiermen nan ta hopi
optimista y positivo cu nan tin un Gobierno solido, cu ta bay pa cuater aña y cu por realisa e
bienestar pa pueblo di Corsou.

Deseo pa relacion cu Aruba

E deseo ta pa tin lasonan estrecho y positivo y constructivo cu tur partner den Reino di
Hulanda. Kiermen naturalmente Aruba tambe. Por tin hopi area caminda cu por traha hunto.
Por ehempel riba e area energetico. Por extende hopi bon informacion y conocemento. Por
corda tempo cu Martina tabata presidente/director di Aqualectra, nan tabata tin relacionnan
estrecho. Por ehempel den e parti di turismo, por pensa riba diferente proyecto hunto, pero
tambe por siña di Aruba, pasobra su turismo ta avansa. Loke cu kier ta relacionnan
constructivo, positivo, den reino, caminda cu pueblo y gobiernonan ta stimula otro, pa crece
bay dilanti.
Tambe Hulanda, por mir’e como un partner caminda cu mester tin lasonan estrecho,
constructivo y positivo. Ta nifica cu nan lo bay traha riba esey, tur basa riba boluntad, respet
mutuo y issuenan cu tin, busca un solucion den un forma positivo. Esey ta bay mira e manera
con e acercamento lo bay ta. Nan ta positivo cu esey lo bay sosode den reino. E relacionnan cu
Aruba, st. Maarten y e islanan BES y Hulanda, Martina a splica.